mədəni irs obyektləri

Azərbaycanın zəngin mədəni irsini Kilimçi Studiyasında kəşf edin! 2016-cı ildən bəri fəaliyyət göstərən bu yaradıcılıq məkanı xalçaçılıq, dulusçuluq, kəlağayı hazırlanması və digər sənətkarlıq növləri üzrə maraqlı ustad dərsləri ilə ənənəvi sənətləri yenidən canlandırır. Hər yaşdan insanlar üçün uyğun olan Kilimçi, sənətkarlarla əməkdaşlıq edib öz əsərinizi yaratmaq fürsəti təqdim edir. Daha ətraflı

Naxçıvanın müqəddəs irsi ilə mənəvi bir səyahətə çıxın, Azərbaycanın qədim memarlığını, dini abidələrini və mədəni sərvətlərini özündə birləşdirən bu unikal məkanı kəşf edin. Orta əsr İslam incəsənətinin simvolu olan möhtəşəm Mömünə Xatun türbəsi, əfsanələr və sakitlik məkanı olan müqəddəs Əshabi-Kəhf mağarası və böyük tarixi əhəmiyyətə malik olan Nuh türbəsi ilə tanış olun. Mədəniyyət sevərləri, zəvvarları və tarix həvəskarlarını heyrətləndirəcək bu abidələr, heyrətamiz mənzərələr, incə sənətkarlıq nümunələri və mənəvi ənənələrin zənginliyini təqdim edir. Azərbaycanın mədəni və mənəvi möcüzələrini yaşamaq üçün mütləq ziyarət edilməlidir. Daha ətraflı

Naxçıvanda Cəlil Məmmədquluzadə ilə bağlı məkanları kəşf edərək mədəni bir səyahətə çıxın. Onun Ev-Muzeyini, adını daşıyan Naxçıvan Dövlət Milli Dram Teatrını və Naxçıvan Muxtar Respublikasının Ədəbiyyat Muzeyini ziyarət edin. Bu məkanlar «Molla Nəsrəddin» jurnalının təsisçisinin həyatını və irsini dərindən anlamağa imkan verir, ədəbiyyat həvəskarları və mədəniyyət tədqiqatçıları üçün vacibdir. Daha ətraflı

Bakıda qalereyaların və incəsənət məkanlarının sayı ilbəil artır. Həftəsonu bu qalereyalara baş çəkərək müasir Azərbaycan incəsənətindən zövq ala, həmçinin müxtəlif fəaliyyətlərdə iştirak edə bilərsiniz.   Daha ətraflı

Şəhərin mərkəzində 28 May stansiyasının yaxınlığında yerləşən Azərbaycan Dəmiryol Muzeyi ziyarətçilərə Azərbaycanda dəmir yolu nəqliyyatının yarandığı vaxtdan bu günə qədər olan tarixi ilə tanış olmaq imkanı yaradır.  Daha ətraflı

Azərbaycanın mədəniyyət paytaxtı Şuşada yerləşən məscidlər, ev-muzeyləri, malikanələr təkcə təkrarsız memarlıq nümunələri deyil, həm də qədim tariximizin və çoxəsrlik mədəniyyətimizin aynasıdır. Daha ətraflı

Xocavənd rayonunda Qarabağ dağ silsiləsinin ətəklərində yerləşən Tuğ kəndi Azərbaycan mədəniyyətinin əbədi irsini sübut edən, müxtəlif füsunkar tarixi məkanları və görməli yerləri ilə tanınan qədim yaşayış məskənidir. Daha ətraflı

Bakının mərkəzi küçələrinin birində gəzirsiniz və təsadüfən gözəl sevgi hekayəsini təcəssüm etdirən memarlıq abidəsinə rast gəlirsiniz. Murtuza Muxtarov və Əhməd Cavad küçələrinin kəsişməsində yerləşən Səadət sarayı Bakının ən gözəl tikilisi, həm də insanları səadətə qovuşduran klassik sevgi atributudur. Daha ətraflı

İmamzadə sözü özlüyündə “imam nəslindən olan”, “imam övladı” mənasını ifadə edir. Muxtar respublikamızın müxtəlif bölgələrində ucaldılan imamzadələr əsrlərdən bəri bir çoxlarının inanc yeridir. Məhz Naxçıvan şəhərindəki İmamzadə kompleksi bu gün qonaqların ən çox ziyarət etdiyi məkanlardandır. Daha ətraflı

Öz dəstxəti ilə seçilən Hüseyn Cavid XX əsrin birinci yarısında fəaliyyət göstərmiş mütəfəkkir Azərbaycan şairi və dramaturqudur. Onun həyat və yaradıcılığı ilə yaxından tanış olmaq üçün bir zamanlar yaşadığı və dəfn olunduğu yerə mütləq baş çəkin. Daha ətraflı

Babək rayonunda yerləşən Nehrəm İmamzadəsi Naxçıvanın dəyərli tarixi nümunələrindən biri olmaqla bərabər, rayonun tarixi və mədəni zənginliyini tamamilə başqa perspektivdən üzə çıxarır. Daha ətraflı

Azərbaycan realist rəssamlıq məktəbinin banisi Bəhruz Kəngərli avtoportret janrına müraciət edən ilk Azərbaycan rəssamı olmuşdur. Naxçıvanda yerləşən Bəhruz Kəngərli Muzeyində rəssamın həyat və yaradıcılığı, orijinal əsərləri ilə yaxından tanış ola bilərsiniz. Daha ətraflı

Azərbaycanın ən məşhur ziyarətgahlarından biri Culfada yerləşən Əshabi-Kəhfdir. Yerli inanclara görə, bura İslamda mühüm əhəmiyyətə malik yerlərdən biridir. Siz də bu sehrli ab-havaya malik məkanı ziyarət edə və bu sirrin canlı şahidi ola bilərsiniz. Daha ətraflı

Naxçıvan ərazisində orta əsrlər zamanı yaradılan dini-memarlıq abidələri arasında Xanəgah abidə kompleksi xüsusi yer tutur. Daha ətraflı

Əsrlərdir tarixə şahidlik edən Gülüstan türbəsi Əcəmi Naxçıvani sənətkarlığının yaratdığı nadir sənət nümunələrindən biridir. Bu məğrur abidə həm gözoxşayan, həm də mədəniyyətimizin öyrənilməsində əvəzsiz bir xəzinədir. Daha ətraflı

Səfalı təbiəti, təmiz havası ilə insan ruhunu dincəldən Lerikdə təbiətin yaratdığı gözəlliklərdən öz payınızı alacaqsınız. Açıq təbiət muzeyini xatırladan gözəl mənzərələr, qədim mağaralar, abidələr bu diyardadır. Daha ətraflı

Haqqında çox rəvayətlər dolaşan Səbzikar qəbiristanlığı tarixdə imzalarını qoymuş adlı-sanlı şəxsiyyətlərin son məkanı olmaqla yanaşı, həm də yüzlərlə sərdabə və qədim türbələrin qorunub saxlandığı yerdir. Gəncədə olduğunuz müddətdə vaxtınızı bir dəfə bu türbələr məkanını ziyarət etməyə ayırın. Daha ətraflı

Gəncə bu günki məğrur simasını zamanında sinə gərdiyi mübarizələrə və mübarizlərinə borcludur. Həmin mübarizələrin birində canından keçən Cavad xanın xatirəsi onun məzarı üzərində ucaldılan Cavad xan türbəsində əbədi olaraq yaşadılır. Daha ətraflı

Bu sarayları xatırladan binada Azərbaycanın ilk qadın şairəsi hesab edilən Məhsəti Gəncəvinin yaradıcılıq dünyasına səyahət edəcəksiniz. Səyahət boyunca 12-ci əsrin sənət nümunələri ilə onu daha yaxından tanıyacağıq. Daha ətraflı

Buraya bəzən Gəncə şəhərinin “döyünən ürəyi” də deyirlər. Müasirlik və qədimliyin qovuşduğu Cavad xan küçəsi tarixin bir parçasını özündə yaşadır. Daha ətraflı

O, bəşəriyyətin dünya ədəbiyyatında özünəməxsus yeri olan, dəyərli əsərləri bir müdriklik xəzinəsi hesab edilən dünya görkəmli mütəfəkkirdir. Nizami Gəncəvinin zəngin yaradacılıq dünyası ilə onun Gəncədə yerləşən məqbərə kompleksində tanış ola bilərsiniz. Daha ətraflı

XVII əsr Azərbaycan memarlığının şah əsərlərindən sayılan Şah Abbas (Cümə) məscidi Gəncənin tarixi abidələri içərisində memarlıq üslubuna görə diqqət cəlb edilən ən böyük tikililərdən biridir. Daha ətraflı

Zamanında rusların ibadət etmələri üçün tikilən Aleksandr Nevski kilsəsi bu gün Gəncə şəhərinin diqqətəlayiq xristian dini abidələrindən biridir. Daha ətraflı

Səyahət bir çoxları üçün həm də başqa millətlərin dini müxtəlifliyi ilə tanış olmaq, anlayıb öyrənmək üçün bir fürsətdir. Qax rayonuna səyahət zamanı xristian irsinin qorunub saxlandığı Müqəddəs Georgi kilsəsini ziyarət etməyi unutmayın. Daha ətraflı

Qax Tarix-Diyarşünaslıq Muzeyinə baş çəkərək ayrı-ayrı eksponatlar vasitəsilə ölkəmizdə ən qədim dövlətlər, onların ictimai-siyasi vəziyyəti və mədəniyyəti haqda geniş məlumat ala bilərsiniz. Bu muzey rayonun tarixinin müxtəlif dövrlərini araşdırmaq üçün xüsusi maraq doğurur Daha ətraflı

1544-cü ildə inşa edilən Şeyx Cüneyd türbəsi bir sıra tarixi hadisələrin şahidi olmuş mədəni irs nümunələrimizdəndir. Qusarda olarkən Səfəvilərin bu diyardakı qədim irsinə baş çəkməyi unutmayın. Daha ətraflı

Qubada 19-cu əsr memarlığının ən möhtəşəm nümunələrindən olan Tağlı körpü çarın dövründə regionda tikilən yeddi körpüdən salamat qalan yeganə körpüdür. Daha ətraflı

Böyük Qafqaz dağlarının qoynunda məskən salan qədim ipəkçilik diyarı Şəki şəhərinə səyahət edərkən çoxəsrlik el sənətinin qorunub saxlanılması ənənələrinə canlı şahid ola bilərsiniz.  Daha ətraflı

Qax rayonunda yerləşən “İçəribazar” kompleksi tarixi-mədəni irsimizin ən gözəl nümunələrindəndir. Qalanın daxili ilə addımladıqca bu tarixilik və yüzillik memarlığa gətirilən yeni nəfəs daha çox hiss olunur. Daha ətraflı

Quba rayonundakı Qırmızı qəsəbədə yerləşən Dağ Yəhudiləri Muzeyi dünyada yeganədir. Dağ yəhudilərinin ilk muzeyi olan bu məkan hər kəsi Qafqazdaki dağ yəhudilərinin tarixinə, mədəniyyətinə və bu gününə yaxından nəzər salmağa çağırır. Daha ətraflı

Quba Soyqırımı Memorial Kompleksi soyqırımı qurbanlarının xatirəsini anmaq, tarixi faktlarla daha yaxından tanış olmaq üçün əsas ziyarət məkanlarından biridir.   Daha ətraflı

Xınalığın qarlı, şaxtalı dağ mənzərələri sizi qəti narahat etməsin -  yerli sakinlərin əl işi olan yun toxuma corablar bədəninizi isti saxlayacaq. Daha ətraflı

Milli Azərbaycan Tarixi Muzeyi tariximizin bütün dövrlərinə aid maddi və mənəvi nümunələrin qorunması və tanıdılması baxımından misilsiz sərvətə malikdir. Muzeyin yerləşdiyi bina isə Hacı Zeynalabdin Tağıyevin mülkü olması baxımından xüsusilə diqqət çəkir. Daha ətraflı

Orta əsrlər şəhər ruhunu özündə yaşadan, tarixi isə iki min il əvvələ gedib çıxan qədim Lahıc ölkəmizin sənətkarlıq mərkəzidir. “40 sənət şəhəri” kimi tanınan Lahıcda hələ 19-cu əsrin ortalarında 200-dən çox sənətkarlıq emalatxanası və dükanının olduğu məlum idi. Daha ətraflı

Dağlar qoynunda yerləşən Lahıc daha çox sənətkarlıq sahələri ilə tanınsa da, buranın özünəməxsus mətbəx təamları da turistlərin marağına səbəb olur. Yolunuzu Lahıcdan salarkən əksəriyyəti yalnız bu yerlərdə bitən müxtəlif otlar ilə dəmlənmiş çaydan dadmağı da unutmayın. Daha ətraflı

Mütəxəssisləri təəccübləndirən iki min illik kanalizasiya sisteminin sirrini və qədim Albaniya dövlətinin izlərini özündə yaşadan, Məmməd Əmin Rəsulzadənin bir müddət sığınacaq tapdığı Lahıca səfər etmək daş küçələrdə göz önündə canlanan tarixə səyahət deməkdir.   Daha ətraflı

Bakı öz arxitekturası ilə bizi təəccübləndirməyə davam edir. Ölkəmizin ən böyük və qeyri-adi idman qurğusu olan Bakı Olimpiya Stadionuna gedərkən bunun şahidi olacaqsınız. Daha ətraflı

"Port Baku"da dostlarınız və ailə üzvlərinizlə maraqlı və əyləncəli vaxt keçirə bilərsiniz. Dəb küçəsi boyunca yerləşən kafe və restoranlarda doğmalarınızla ünsiyyət edə, yaxud işgüzar görüşlər keçirə bilərsiniz. "Port Baku Mall" isə alış-veriş üçün ideal seçimdir. Daha ətraflı

Bakının müasir mənzərəsini "Alov qüllələri" olmadan təsəvvür etmək olmaz. Bu əsrarəngiz binaların qarşısında siz də foto çəkib dostlarınızla paylaşın. Daha ətraflı

Daha ətraflı

Yunesko-nun Azərbaycanda irsi siyahısı Daha ətraflı

Azərbaycan xalq sənətkarlığı.  Daha ətraflı

Azərbaycan memarlığı Şərq və Qərb elementlərini özündə birləşdirir.  Daha ətraflı

Azərbaycanın ən məşhur ziyarətgahlarından biri Culfada yerləşən Əshab-i Kəhfdir. Yerli inanclara görə, bura İslamda mühüm əhəmiyyətə malik yerlərdən biridir. Siz də bu sirli məkanı ziyarət edə bilərsiniz. Daha ətraflı

Naxçıvan şəhəri 18-19-cu əsrlərdə eyniadlı xanlığın mərkəzi olmuşdur. Bir vaxtlar xanların iqamətgahi olmuş möhtəşəm bina bu gün muzey kimi fəaliyyət göstərir. Siz də muzeyə baş çəkib xanların həyatı ilə yaxından tanış ola bilərsiniz. Daha ətraflı

Naxçıvanın qədim abidələri bu günə qədər qorunub saxlanmışdır. Bu abidələr siyahısında Möminə Xatın türbəsi xüsusi yerə malikdir. Bu əfsanəvi memarlıq abidəsinə gedərək, Memar Əcəminin dahi sənətkar olduğuna özünüz şahid ola bilərsiniz. Daha ətraflı

Lerikdə təbiətin seyrinə dalıb gözəllikdən zövq ala bilərsiniz. Bu diyar uzunömürlüləri ilə tanınır. Əgər buradakı insanların necə belə uzun ömür yaşadığı sizə də maraqlıdırsa, Lerikə yollanın. Daha ətraflı

Lənkərana yalnız təbiət ardınca deyil, tarixi abidələri ziyarət etmək üçün də səfər etmək olar. Burada muzeylər, qüllələr və digər qədim tikililər yolunuzu gözləyir. Daha ətraflı

Qədim tarixə malik olan Şəmkir tarixi məkanlara səfər etməyi sevənlər üçün əsl tapıntı olacaq. Burada yerləşən Şəmkir qalasının qalıqları sizi bir neçə yüz il geriyə aparacaq. Daha ətraflı

Şəmkir şəhəri müasirləşən və daim yenilənən görkəmi ilə hər kəsi təəccübləndirir, amma burada dəyişməz olaraq qalan alman mirası xalqımızın tolerantlıq ənənələrinin gücünü göstərir. Daha ətraflı

Göygöl şəhəri qədim tarixə malik olsa da, burada ilk böyük yaşayış məskəni 19-cu əsrdə buralara köçürülmüş almanlar tərəfindən salınmışdır. Bu gün də bu kiçik şəhərə gedib özünüzü Almaniya şəhərlərində hiss edə bilərsiniz. Daha ətraflı

Gözəl təbiətə malik Zaqatala həm də tarixi məkanları ilə tanınır. Buradakı qədim qala və məbədlərin qalıqları bu multikultural rayonun bənzərsiz mənzərəsinə ayrı rəng qatır. Daha ətraflı

Şəki şəhəri yaxınlığında yerləşən Kiş kəndi qədim tarixə malikdir. Burada yerləşən Alban məbədi öz memarlıq üslubu və tarixçəsi ilə hər kəsi cəlb edir. Kiş məbədini ziyarət edib bir neçə yüzillik öncəyə səyahət edin. Daha ətraflı

Şəki şəhərində yerli sənətkarlıq dükanlarına baş çəksəniz, orijinal sənətkarlıq nümunələrindən ibarət bu aləmdən zövq alacaqsınız. Burada siz nəinki əl işlərinin yaradıcısı olan sənətkarlarla tanış olmaq, hətta dibçək, papaq, milli musiqi alətləri kimi əl işlərindən almaq imkanı əldə edəcəksiniz.   Daha ətraflı

UNESCO-nun Ümumdünya İrsi Siyahısına salınmış Şəki şəhərinin tarixi mərkəzi hər kəs üçün xoş istirahət və İpək yolu atmosferi bəxş edəcək. Şəkinin çay daşları ilə döşənmiş küçələrində dolaşaraq və ətrafda baş verənlərə göz gəzdirərək xəyallara dalın.  Daha ətraflı

Qəbələ qədim dövrlərdə Qafqaz Albaniyasının paytaxtı olmuşdur. Bu tarixi məkana səfər edərək eramızdan əvvəl mövcud olmuş qüdrətli dövlətə aid tikililərin qalıqları ilə tanış ola bilərsiniz. Daha ətraflı

Udinlərin məskunlaşdığı Nic kəndi Qəbələ şəhərindən 40 kilometr cənub-qərbdə yerləşir. Bu əsrarəngiz kəndi ziyarət edin, onun zəngin tarixi və sakinlərinin maraqlı ənənələri ilə tanış olun. Daha ətraflı

Lahıcı Azərbaycanın misgərlik mərkəzi adlandırırlar. Əgər hələ də bu gözəl tarixi məkanda olmamısınızsa, növbəti səfər planınıza Lahıcı salmalısınız. İlk baxışdan aşiq olacağınıza əmin olun.  Daha ətraflı

YUNESKO-nun mədəni irsi siyahısına salınmış Azərbaycan kəlağayıları qadınların sevimli baş örtüyüdür. Amma kəlağayıların funksiyası yalnız bununla məhdudlaşmır. Qədim zamanlardan bəri bu geyim növü bir sıra fərqli ənənələrin tətbiq olunması və eyhamların ötürülməsində əhəmiyyətli rol oynayıb. Daha ətraflı

Şamaxıda yerləşən Cümə məscidi Azərbaycandakı ilk məsciddir və 743-744-cü illərdə inşa edilmişdir. Bərpa olunandan sonra əvvəlki əzəməti və gözəlliyinə qayıtmış məscidə siz də baş çəkin. Daha ətraflı

Ulduzların və kainatın sirlərini kəşf etmək istəyirsinizsə, Şamaxı Astrofizika Rəsədxanasının qapıları üzünüzə açıqdır.  Daha ətraflı

Qubada xalça toxuma qədim ənənədir. Hər biri gözəl sənət əsəri olan xalçaları nəinki izləmək və almaq, hətta toxumağı öyrənmək də olar. Daha ətraflı

Sirlərlə zəngin olan Beşbarmaq dağı xalqımız üçün müqəddəs ziyarətgahlardan biridir. Bura niyyət edib gələn insanlar öz arzularının çin olması üçün pənah gətirirlər. Daha ətraflı

Görəsən, insanlar 40 000 il əvvəl necə yaşayıblar? Onların həyat tərzi necə olub? Bu suallara cavabı 6 000-dən çox qədim qayaüstü təsvirlərdən ibarət Qobustanda tapa bilərsiniz. Daha ətraflı

Daha ətraflı