Azərbaycanda üzümçülük ənənəvi istehsal sahələrindən biri olduğu üçün burada şərabçılıq qədim zamanlardan bəri inkişaf edib. Tarixi şərab regionlarımız şimalda Xəzər sahili xəttindən tutmuş Şirvan və Böyük Qafqazın ətəklərini, Gəncə-Qazax regionu və Kiçik Qafqazın ətəklərini, Qarabağ regionu və cənubda Lənkəran-Astara bölgəsini əhatə edir. Şərabçılıq sənayesinin modernləşməsi və yeni yaranan perspektivlərin nəticəsi olaraq növbəti bir neçə il Azərbaycanda şərab turizmi üçün yeniliklərlə dolu və sürətlə dəyişən dövr olacaq.
Azərbaycanın şərab zavodlarında Pinot Grigio, Vermentino, Sauvignon Blanc, Cabernet Franc, Petit Verdot, Muscat və Saperavi kimi məşhur üzüm növləri geniş istifadə edilir. Lakin yerli üzüm sortları təkcə bunlardan ibarət deyil. Azərbaycanın nəfis şərablarında ən çox istifadə olunan və xüsusi dad yaradan üzüm sortları ilə növbəti sətirlərdə tanış ola bilərsiniz.
