Möminə Xatın türbəsininincə və nəfis naxışları
Naxçıvan bölgəsi nadir memarlıq abidələri ilə zəngindir. Ən möhtəşəm abidələrdən biri olan XII əsrə aid Möminə Xatın türbəsi məhz Naxçıvan şəhərində yerləşir. Türbə qırmızı kərpicləri, firuzəyi rəngli kirəmitləri və həndəsi naxışları ilə seçilən orta əsr “Naxçıvan memarlıq məktəbi”nin möhtəşəm nümunələrindən biridir. Türbə dövrün tanınmış memarı Əcəmi Naxçıvani tərəfindən yerli hökmdar Şəmsəddin Eldənizin sevimli arvadının xatirəsinə ucaldılmışdır. Türbənin on tərəfindəki yazı isə onun həm tarixi, həm də mənəvi dəyərini ifadə edir: “Biz gedərik, dünya qalandır”, “Biz ölərik – bu, yadigardır”.
