Elvin Məmmədsoy
Kürdəmir
“Bəlkə dayanmalıyam. Mənim burada nə işim var?” Bu fikirlər Azərbaycanın ən yüksək zirvələrindən birini keçib Qubadan İsmayıllıya yürüş edərkən beynimdə dolaşırdı. Bu, dağlara ilk səyahətim idi. Əsasən Şirvan düzündə yerləşən Kürdəmirdə doğulub böyüdüyümə görə bu macəranın öhdəsindən gəlmək üçün məndən çox səy tələb olunurdu. Mən o vaxt bələdçiyə kömək edirdim, amma bu mənim həyatımda yeni bir başlanğıc idi. 2016-cı ildən bəri Qafqaz və Talış dağlarında onlarla gəzinti turu etmişəm və hər biri duyğularla dolu bir xatirədir. Mən və həmkarlarım kəndlərdə yaşayan yerli insanlara da töhfə verərək yeni marşrutlar yaratmağa və bu yerlərə xas gizli hekayələri aşkar etməyə çalışırıq. Ucqar kəndlərdəki insanlar çox mehriban və qonaqpərvərdirlər. Onlarla söhbət etməkdən zövq alıram. Bu insanlardan səbirli və minnətdar olmağı öyrənmək olar. Hər görüşümüzdə qəlblərinin hərarətini hiss etməmək mümkün deyil. Onlar, məncə, həyatda hər şeyin ən yaxşısına layiqdirlər. Buna görə də ən çox sevdiyim layihə Santa kostyumunda ucqar yerlərdə yaşayan uşaqlara hədiyyələr apardığımız "Şaxta baba ucqar kəndlərdə" layihəsidir. Bu sosial layihənin təşkilatçılarından biri kimi tam əminliklə deyə bilərəm ki, uşaqların Şaxta babanı görərkən gözlərindəki xoşbəxtlik və parıltı əvəzolunmazdır – bu, bəlkə də, əldə etdiyim ən dəyərli qazancımdır.
