Şəmkirdəalman irsi ilə tanışlıq
Müasir Şəmkir şəhəri 1819-cu ildə yaradılmış alman koloniyası Annenfeldin əsasında salınıı. Almanlar 1941-ci ildə Şəmkirdən sürgün edilsələr də, şəhərin mərkəzi bu gün də bənzərsiz alman atmosferini qoruyub saxlaya bilib. Orijinal alman evlərinin yerləşdiyi uzun düz küçələr, tarixi 1909-cu ildən başlayan Lüteran kilsəsi, kafe, cığırları və skamyaları ilə seçilən alman parkı bunu sübut edir. Eyni zamanda şəhərin mərkəzində yerləşən "Excelsior Hotel”də alman reseptləri əsasında hazırlanmış orijinal pivə təqdim olunur. Bu gün Azərbaycanın şərabçılıq mərkəzlərindən biri olan Şəmkir rayonunda alman mədəni irsini yaxından izləmək üçün qərb bölgəsinə səfərinizə Şəmkiri də daxil edin.
