gecə həyatı və əyləncə

Gecələri rəngarəng, unudulmaz və şən keçirmək üçün Bakıda onlarla fərqli və hər zövqə uyğun məkan fəaliyyət göstərir. Bu məkanlarda doyunca rəqs edə, müxtəlif janrlarda musiqilər dinləyə, dadlı təamlardan və içkilərdən zövq ala bilərsiniz.

gecə həyatıvə əyləncə

gecə həyatıvə əyləncə

gecə həyatıvə əyləncə

Göstər:
gecə həyatı | və əyləncə

Ağabala

Milli mədəniyyət və ənənəvi dadların birgə harmoniya yaratdığı Ağabala restoranı qonaqlarını 19-cu əsr Azərbaycan mətbəxinə unudulmaz səyahətə aparır. Restoranın menyusu özündə Azərbaycanın tarixini və milli mətbəximizin ən nəcib elementlərini əks etdirir. Xalq mətbəxinin kulinariya texnikasında, həmçinin yeməklərin təqdim edilməsi ənənələrində restoranın milli koloritini aydın duymaq olur. Ağabalanın tarixi ab-havası restoranın ruhu, interyeri ilə xüsusi bir vəhdət yaradır ki, bunu hər incə detalda görmək mümkündür. Günün istənilən saatında ürəkoxşayan musiqilərin müşahidəsində həm ənənəvi yeməklərdən, həm də mənəvi dinclikdən zövq ala bilərsiniz.

İş saatları:

Bazar ertəsi – Cümə axşamı 12:00–23:00

Cümə – Bazar 12:00–00:00

Tel: +994 (50) 493 01 10

Madrid Bar

Dənizkənarı Bulvarda möhtəşəm musiqi və ispan motivləri. “Madrid bar”da DJ musiqisinin sədaları altında möhtəşəm atmosferdən həzz almaq mümkündür. Yay aylarında barın qarşısında terras açılır. İşdən sonra istirahət etmək və ya həftə sonu dostlar ilə əylənmək üçün mükəmməl yerdir.

İş saatları:

Bazar ertəsi - Cümə axşamı 15:00 - 00:00

Cümə 15:00 - 06:00

Şənbə bağlı

Bazar 15:00 - 01:00

ETUD Cafe & Bar

Caz improvizasiyaları, klassik musiqi axşamları, əyləncəli gecələr və daha çox - əsl gəncliyin yeraltı dünyası olan “ETUD Cafe & Bar”da hökm sürür. Burada yerli şərab, pivə, yaxud ləzzətli kokteyllərin dadına baxaraq, müxtəlif janrda canlı musiqi ilə dincələ bilərsiniz.

İş saatları:

Hər gün 17:00–00:00

BarDuck

DJ musiqisi altında səhərə qədər əyləncə. Bu kiçik barda dostlarınızla doyunca əylənə, Amaro Passion və ya Green Meadow kimi bir çox eksklüziv kokteylləri dada bilərsiniz. Əlbəttə ki, öncədən masa rezervasiyası da mümkündür, amma adətən qonaqları daha çox bar cəlb edir: axı burada mehriban barmenlər sizə ən uyğun içki tapmaqda kömək edəcək.

İş saatları:

Hər gün 10:00 - 23:00

Pivnaya Apteka

Adından da göründüyü kimi, bu unikal “tibb müəssisəsi”ndə xəstəlikləri müalicə etmək üçün xüsusi vasitələrdən, yəni ən geniş çeşiddə pivə, evdə hazırlanmış sərinləşdirici içkilər, burgerlər və digər yeməklərdən istifadə olunur. Qayğı istəyənləri isə böyük ayı balası məmnuniyyətlə qucaqlayacaq.

İş saatları:

Hər gün 11:00 - 00:00

360 Bar

Beşulduzlu “Hilton Baku” hotelinin 25-ci mərtəbəsində yerləşən “360 Bar” yavaş-yavaş öz oxu ətrafında fırlandığı üçün buradan paytaxtımız və Xəzər dənizinə möhtəşəm mənzərəni seyr edə bilərsiniz. Bar qonaqları xüsusilə gecə feyzyab edir. Belə ki, bu zaman ləzzətli yeməklər və içkilərdən deyil, həm də canlı musiqilərdən həzz almaq olar.

İş saatları:

Hər gün 17:00 - 02:00

Harbour Restaurant & Pub

Köhnə ingilis yaxta klubunu xatırladan məşhur Bakı pabı “Harbour”da dincəlin və istirahət edin. Ləzzətli pivə ilə yanaşı, burada dadından doymayacağınız hind yeməklərinin, eləcə də unikal limonadlar və evdə hazırlanmış kokteyllərin geniş çeşidi arasında seçim edə bilərsiniz.

İş saatları:

Hər gün 12:00 - 00:00

Finnegan's Irish Pub

Finnegan's Irish Pub

Məşhur İrlandiya pab şəbəkəsi “Finnegan's” müntəzəm olaraq yerli qruplar və solo ifaçıların canlı konsertlərinə ev sahibliyi edir. Bakının mərkəzində yerləşən və bir çox digər tanınmış əyləncə məkanları ilə əhatə olunan “Finnegan's Irish Pub” ləzzətli yemək və çox sevilən İrlandiya pivəsini təqdim edir.

İş saatları:

Hər gün 16:00 - 02:00

People Livebar

Cümə və şənbə günləri 24 saat işləyən “People Livebar” dəbli interyer və bənzərsiz atmosferinə görə hər kəsi cəlb edir. Rəqs üçün rahat ayaqqabılarınızı geyinib, axşamı musiqi və gözəl Azərbaycan şərabından zövq alaraq dostlarınız ilə birgə keçirin!

İş saatları:

Hər gün 15:00 - 00:00

Paulaner Bräuhaus Baku

Alman pivəsinin ünvanı. Heç narahat olmadan sevdiyiniz içkidən istədiyiniz qədər içə bilərsiniz – hər bazar ertəsi “Paulaner Bräuhaus Baku”da limitsiz pivə axşamı! Daha yüngül və rahat atmosfer axtarışındasınızsa, şənbə günü gəlin, burada canlı musiqi dinləyin. Əsl Münhen atmosferinin hökm sürdüyü Bakıda yeganə bar!

İş saatları:

Bazar ertəsi 12:00 - 22:00

Çərşənbə axşamı - Bazar 16:00 - 23:00

HASHTAG BAR

Üç zaldan ibarət bu kiçik kokteyl bar DJ musiqisi və caz sessiyaları ilə tanınır. Burada isti, mehriban atmosferdə, menyudakı 40 kokteyldən hər hansı birini sifariş edərək dincələ və əylənə bilərsiniz.

İş saatları:

Hər gün 18:00 - 04:00

Room Baku

Burada hər axşam sizi zəngin şərab çeşidi gözləyir. Gecə yaxınlaşdıqca daha da canlanan mühiti zövqlü musiqi, ləzzətli yeməklər və gözəl şərablar tamamlayır.

İş saaatları:

Hər gün 14:00–02:00

Enerji Club Baku

Yüksək səviyyəli tematik əyləncə şouları ilə məşhur olan Enerji Club əla menyu və bənzərsiz əyləncələr təqdim edir. Xəzər sahillərində möhtəşəm rəqs gecəsi!

İş saatları:

Həftəiçi 18:00 - 00:00

Həftəsonu 18:00 - 04:00

Pasifico - Lounge & Dining

Londonun “Blue Sky Hospitality” studiyasının mütəxəssisləri tərəfindən yaradılmış Cənubi Amerikanın sahilləri boyunca virtual səyahət üçün “Pasifico”ya yollanın. Qaranlığın düşməsi ilə “Pasifico” verandadan açılan heyranedici mənzərələri və dəbdəbəli kokteylləri ilə gecənin əsas ünvanlarından birinə çevrilir.

İş saatları:

Hər gün 16:00 - 00:00

City Pub

“CityPub” təkcə sərin pivə və müxtəlif qəlyanaltılardan zövq ala-ala böyük ekranda futbola baxmaq məkanı deyil. Rahat interyer, canlı musiqi, gözəl zallar, yemək və içkilərin geniş çeşidi buranı istirahət etmək və dostlarla əla vaxt keçirmək üçün möhtəşəm məkana çevirir.

İş saatları:

Hər gün 12:00-00:00

Crazzy Bear

Bakının mərkəzində gur küçələrin birində yerləşən “CraZzy Bear” konseptual pivə restoranında canlı musiqi, orijinal interyer və gülərüz personal vaxtınızı şən keçirməyinizə kömək edəcək. Tünd rəngli mebellər, dəri kreslolar və dekorativ lampalar buranı təzə pivə, əsl şərab və dadlı yemək həvəskarlarının sevimli məkanına çevririb. Bazar ertəsi günləri təşkil edilən və pivənin “su kimi axdığı” “Limitsiz pivə günü” isə həftəyə əla başlanğıcdır!  

İş saatları:

Hər gün 17:00-02:00  

ShakesBeer

“ShakesBeer” barı ləzzətli pivə dəstinə daxil olan müxtəlif çeşidli qəlyanaltılardan dadaraq pivə içmək üçün əla məkandır. Şəhərin səs-küyündən kənarda yerləşən barın rahat ab-havası səmimi söhbətlər üçün gözəl imkan yaradır, canlı musiqi və tanınmış ifaçıların çıxışları isə gecəni xüsusilə yaddaqalan edir. 

İş saatları:

Hər gün 09:00-23:00

Black Lounge

“Black Lounge” restoranı premium-klass istirahət və parlaq təəssürat həvəskarlarının bəyəndiyi yerdir. Burada qeyri-adi interyer, seçilən yeməklər, hətta kokteyllər belə sizi qara rəngin kübar dünyasına aparacaq. Restoranın konsepti böyük yığıncaq iştirakçılarından tutmuş təkliyə çəkilmək istəyən sevgililərə qədər hər kəsin dəbdəbəli şam yeməyindən və məşhur ifaçıların çıxışlarından zövq almasına imkan verir. 

İş saatları:

Bazar ertəsi, çərşənbə-şənbə 10:00-00:00

Çərşənbə axşamı 12:00-02:00

Bazar 10:00-02:00

Zeppelin

Bütünlüklə gecə həyatının içinə atılmaq istəyirsiniz? Elə isə rahat ab-havası, stimpank üslubunda dizaynı, karaoke və canlı musiqidən tutmuş stendap və tematik gecələrə qədər istənilən zövqə uyğun əyləncəsi ilə Bakıda ilk konseptual içki barı olan “Zeppelin”ə gedin. Burada həmişə maraqlı nəsə baş verir: limitsiz şərab günü, “Girls Party, “Banketnaya Vodka Party”.

İş saatları:

Hər gün 18:00-06:00

BarDuck Express

Fəvvarələr meydanı yaxınlığında yerləşən dəbdəbəli “BarDuck Express” kokteyl barında sizi orijinal kokteyllər və dadlı qəlyanaltılar gözləyir. Bura günün istənilən saatında bir qədəh şərab, yaxud digər içkilərdən zövq ala biləcəyiniz möhtəşəm bir məkandır. Barın adını rus dilində oxuyanda onun divarları arasından şən səs-küy, gülüş və zarafatların niyə əskik olmadığını biləcəksiniz.

İş saatları:

Hər gün 10:00-dan sonuncu müştəriyə qədər

CUBAR

“Cubar” barında isti ölkələrin parlaq rəngləri, temperamentli Latın Amerikası ritmləri, ekzotik kokteyllər və əsl Kuba romu ilə qarşılaşacaqsınız. Barın istedadlı yerli rəssamlar tərəfindən işlənmiş qeyri-adi interyeri Havana küçələrini xatırladır və siz burada hərəkətli DJ musiqisi altında dostlarınızla əylənə bilərsiniz.

İş saatları:

Çərşənbə axşamı-bazar 15:00-00:00

Latitude & Longitude Bar Lounge

Şəhərin mərkəzində, “The Merchant Baku” hotelinin tarixi binasında yerləşən “Latitude & Longitude Bar Lounge” dostlarınız ilə unudulmaz axşam keçirməyiniz üçün bütün imkanlara malikdir. Bura Bakı küçələrini doyunca gəzdikdən sonra dincəlmək və qədim şəhərin sehrli ab-havasında milli mətbəximizin incilərindən zövq almaq üçün ideal məkandır.

İş saatları:

Hər gün 09:00-00:00

Barfly

Tarixi məkan İçərişəhərdə ilk və yeganə olan “BarFly” kokteyl-barında əyləncəni sonadək yaşayın. Maraqlı interyeri ilə diqqət cəzb edən bar Çarlz Bukovskinin bir neçə romanının və “BarFly” filminin personajı Henry Chinaski’nin spiritual evi hesab olunur. İşdən sonra canlı atmosferdə günün stresindən uzaqlaşmaq, xüsusi kokteyllərdən dadaraq enerji dolu gecə keçirmək üçün mükəmməl yerdir.

Çərşənbə axşamı-çərşənbə, 18:00-23:00;

Cümə axşamı və bazar, 18:00-01:00;

Cümə-şənbə, 18:00-03:00

+99455 291 46 16

Balagan

Hamısı birində məkan axtarışındasınız? Qüsursuz xidmət, dadlı yeməklər və hər gün yenilənən əyləncə proqramı ilə “Balaqan”dan başqasını axtarmayın. Tez bir zamanda hamının sevimlisinə çevrilən Balaqanda istər ad günlərinizi keçirə, istərsə də ləzzətli yeməklərdən sınaya bilərsiniz.

Çərşənbə axşamı-cümə axşamı, 14:00-00:00;

Cümə-şənbə, 14:00-01:00;

Bazar, 10:00-00:00

+99450 218 40 40

UN 1906

Bakınım tarixi binasında yerləşən “UN 1906”  barında zamanda geriyə səyahət edəcəksiniz. Xüsusi atmosferi ilə bu yer həm yerlilərin, həm də turistlərin sevimli məkanıdır. “UN 1906”-da DJ musiqisinin sədaları altında möhtəşəm atmosferdən və sevdiyiniz içkilərdən həzz alın.

Çərşənbə-bazar, 20:00-04:00

+99455 600 70 70

CraZzy Chameleon

Geniş rəqs meydançası, içkilərin geniş çeşidi və rəngarəng gecə həyatı - əlbəttə ki, bütün bunları “CraZzy Chameleon”-da tapacaqsınız. Bu məkan həm də yerli və beynəlxalq DJ-lərin möhtəşəm musiqiləri və rahat atmosferi ilə tanınır.

Hər gün, 12:00-02:00

+99470 999 56 99

Homy Brasserie

Hər gün gec saatlaradək işləyən bu məkanın səmimi ab-havasında Avropa və Azərbaycan mətbəxinin ləzzətli təamlarından zövq alaraq dostlarla birgə unudulmaz gecə keçirin!

Hər gün, 08:00-02:00

+99451 307 44 45

Biblioteka

Səliqəli düzülmüş rəfləri və geniş kitabxanası ilə isti rəng tonlarının hökm sürdüyü “Biblioteka” bir az rahatlamaq və şəhərin səs-küyündən uzaqlaşmaq üçün əsl tapıntıdır. 

Hər gün 12:00-dan sonuncu qonaq tərk edənədək.

+99450 808 00 69

HAVEN

Dəbdəbəli interyeri, mehriban ab-havası ilə qonaqlara ləzzətli qastronomik təcrübə təklif edən “HAVEN” şəhərin mərkəzində romatik şam yeməyi və ya dostlarınızla yaddaqalan bir axşam keçirməyiniz üçün gözəl imkan yaradır.

Hər gün, 10:00-16:00

+99450 245 22 29; +99455 245 22 29

RUIN

Unikallığı ilə gecə həyatına damğa vuran məkan! Bu qeyri-adi məkanda divar rəsmləri önündə cürbəcür fotolar çəkdirin. Seçilən yeməkləri, dadlı kokteylləri ilə gecədən səhər saatlarınadək əsl ziyafət hissi yaşadacaq.

Bazar ertəsi-cümə, 10:00-06:00;

Şənbə-bazar, 09:00-06:00

+99455 826 26 26

Beerbasha

Pivə sevənsinizsə, birbaşa “Beerbasha”ya üz tutun. Ən geniş çeşiddə pivələri ilə yanaşı, dadından doymayacağınız qəlyanaltılardan hər hansı birini sifariş edərək dincələ və əylənə bilərsiniz.

Hər gün, 16:00-02:00

+99412 310 29 29; +99455 363 26 29

Highball Beer Bar

İdman və pivə həvəskarlarının sevimlisi olan bu barda ən son oyunları yayımlayan ekranlarda oyun həyəcanını ləzzətli içkilər və yeməklər müşayiətində yaşayın. Dostlarınızı da toplayın və əyləncənin hökm sürdüyü gecəyə hazır olun!

Hər gün, 16:00-02:00

+99450 326 05 55

Double Eleven

Bu eleqant şərab barında canlı musiqi sədaları altında dostlarınızla birgə ləziz şərab və pendir növlərini, tapas çeşidlərini və hətta vegetarian seçimlərini sınayın. Peşman olmayacaqsınız!

Hər gün, 16:00-(01:00-03:00)

+99450 209 26 11

Boorda Wine Bar

Yerli və beynəlxalq şərabların geniş seçimi ilə şərab həvəskarlarının mütləq getməli olduğu məkandır. Peşəkar personal sizə geniş şərab siyahısında seçim etməyiniz üçün bələdçilik edəcək. Ləziz qəlyanaltılardan sifariş etməyi unutmayın.

Hər gün, 14:00-02:00

+99451 421 87 00

Inn Vino Baku

“Inn Vino Baku” yerli şərablar ilə bir-birini tamamlayan ləzzətli menyu təklif edən şəhərin gizli incisidir. Gülərüz personalı sizə uyğun şərab tapmaqda kömək edəcək. Hər axşam gecə yaxınlaşdıqca canlanan mühit şərab həvəskarlarının əhval-ruhiyyəsini daha da yüksəldir.

Hər gün, 15:00-01:00

+99455 324 63 83

Macərayaxındadır

Hər səyahət yeni macəralarla zəngindir. Unudulmaz macəralarınızı Azərbaycanda yaşayın.

Macərayaxindadir.az Azərbaycanın maraqlı, əyləncəli və sərfəli təkliflərini sizin üçün bir yerə toplayıb.

xəbər bülletenimizə abunə olun