GəncədəAleksandr Nevski kilsəsi
Aleksandr Nevski Kilsəsi adlanan bu kilsə 1887-ci ildə köhnə qəbiristanlığın yerində həm yerli pravoslavların, həm də müsəlmanların xeyriyyə məqsədilə topladıqları vəsait hesabına tikilib. Bizans üslubunda qırmızı kərpicdən tikilən bu kilsə Azərbaycanda mövcud pravoslav kilsələri arasında ən qədimlərindən biri hesab olunur. Kilsə 1931-ci ildə Sovet hökuməti tərəfindən bağlandıqdan sonra 1935-1938-ci illərdə muzey binası kimi istifadə olunub. 1946-cı ildə məbəd Rus Pravoslav Kilsəsinə qaytarılmışdır. Kilsənin qədim interyerində günümüzə qədər gəlib çıxan müqəddəs Aleksandr Nevski və müqəddəs Mariya Maqdalena adına ikonlar da var.
2017-ci ildə kilsə tikilməsinin 130 illiyi münasibətilə təmir olunub. Gəncədə olarkən bu tarixi kilsə mütləq diqqətinizi çəkəcək, odur ki, Aleksandr Nevski kilsəsinə ziyarəti indidən siyahınıza əlavə edin.
Ətraflı məlumat üçün:
- Ünvan: Gəncə şəhəri, Hacı Əli Hüseynzadə küçəsi, 2
- Tel.: +99455 924 61 12
- Hər gün, saat 08:30-18:00 (fasilə: 14:00-15:00)
