görkəmli yazıçıCəlil Məmmədquluzadənin izi ilə
Böyük Azərbaycan yazıçısı və dramaturqu, eləcə də Şərq aləmində ilk satirik jurnalının yaradıcısı olan Cəlil Məmmədquluzadə 1886-cı ildə Naxçıvanda anadan olmuş və Azərbaycan ədəbiyyatının inkişafında silinməz izlər qoymuşdur.
Görkəmli yazıçının yaradıcılıq dünyasını kəşf etməyə onun XIX əsrə aid ev-muzeyindən başlamaq olar. Muzeydə ədibin həyat və yaradıcılığını əks etdirən 3 mindən çox eksponat nümayiş etdirilir. Onlar arasında Cəlil Məmmədquluzadə və onun ailəsinə məxsus şəxsi məişət əşyaları, o cümlədən "Molla Nəsrəddin" jurnalının müxtəlif illərə aid nüsxələri, ədibin əsərləri və müasirlərinə aid sənədlər ziyarətçilərin marağına səbəb olur.
Eyni zamanda Cəlilkənd kəndi və Nehrəm qəsəbəsində yerləşən Cəlil Məmmədquluzadənin xatirəsinə həsr olunmuş muzeyləri qeyd etməmək olmaz. Cəlilkənddəki muzey 1987-ci ildə ədibin vaxtilə müəllim kimi işlədiyi Naxçıvan Muxtar Respublika Ədəbiyyat Muzeyinin filialı kimi yaradılmışdır. Muzey 2013-cü ildən fəaliyyətə başlamış, 2015-ci ildə müasir memarlıq üslubunda inşa olunan yeni binaya köçürülmüşdür. Nehrəm qəsəbəsindəki muzey isə əvvəllər yazıçının müəllim kimi fəaliyyət göstərdiyi məktəb olmuşdur. 1989-cu ildən Xatirə Muzeyi kimi fəaliyyət göstərməyə başlamışdır. Hər iki muzeyin ekspozisiyasında ədibin şəxsi əşyaları, “Molla Nəsrəddin” jurnalının müxtəlif nömrələri, müxtəlif illərdə qələmə aldğı əsərlərdən ibarət 1000-dən çox eksponat yer alır.
Naxçıvan şəhərində isə Cəlil Məmmədquluzadə adına Naxçıvan Dövlət Milli Dram Teatrı və Naxçıvan Muxtar Respublika Ədəbiyyat Muzeyinə yollana bilərsiniz.
Cəlil Məmmədquluzadənin ev-muzeyindən tutmuş çalışdığı yerlərə kimi bu məkanların hər birini ziyarət etmək yazıçının yaşayıb-yaratdığı dövrlərin ab-havasını duymağa imkan verəcək.
