Lahıcdamisgərlərlə ünsiyyət
Bakıdan təxminən üç saatlıq məsafədə, Azərbaycanın şimalında, Böyük Qafqaz sıra dağlarının cənub yamacında, dəniz səviyyəsindən 1505 metr yüksəklikdə yerləşən kiçik Lahıc kəndi ziyarətçilərini qədim çay daşları ilə döşənmiş küçələri, daş evləri, suvenir mağazaları və el sənəti nümunələri ilə heyran qoyur. Keçmişdə lahıclılar 40-dan çox sənət növü, o cümlədən misgərlik, dəmirçilik, zərgərlik, xalçaçılıq, papaqçılıq və dabbağlıqla məşğul olublar. Qədim tarixə malik Lahıc indi də bütün Qafqazda və Yaxın Şərqdə satılan nadir mis qabları ilə tanınır. O vaxtlar ən mahir misgərlər ya Lahıcdan idi, ya da orada təhsil almışdı. Yay aylarında Lahıcın sərin dağ havası, füsunkar təbiəti turistləri daha çox cəlb edir. Lahıc mətbəxinə xas təamlar isə bu səfərə xüsusi ləzzət qatır. İsmayıllıda haykinq turların (Bakıdakı turizm şirkətləri tərəfindən təşkil edilmiş) bir çoxu ya buradan başlayır, ya da burada başa çatır.
