tarixi və dini ziyarətgahİmamzadə kompleksi
XVIII əsrə aid İmamzadə kompleksi Naxçıvan şəhərinin cənub-şərq hissəsində yerləşən əzəmətli tarix-memarlıq abidələrindən biridir. Kompleks bir-biri ilə yanaşı yerləşən üç tikilidən ibarətdir. Binaların üçü də Səfəvi memarlığının xüsusiyyətlərini özündə birləşdirir. Aşağıdan kvadrat şəklində inşa edilmiş abidənin gövdəsində qırmızı və tünd bənövşəyi rəngli kərpiclərlə dəfələrlə təkrarlanan epiqrafik mоtiv – “Allah” sözü yazılmışdır. Türbənin içərisində əhali tərəfindən ziyarət edilən bir qəbir vardır. Lakin həmin məzarın üzərində onun kimə məxsus olması haqqında yazılı məlumat yoxdur. Yerli əhalinin bildirdiyinə görə, bu qəbir şiələrin səkkizinci imamı İmam Rzanın oğluna aiddir. Türbəyə bitişik binada Naxçıvan xanları nəslindən olan mərhumlar dəfn olunurmuş. Zaman-zaman tədqiqatçı alimlərin araşdırma apardığı bu kompleks qədim sənətkarlıq xüsusiyyətləri ilə xarici qonaqların da xüsusi diqqətini çəkir.
Ətraflı məlumat üçün:
- Ünvan: Naxçıvan şəhəri, Azadlıq küçəsi
- İş qrafiki: Çərşənbə axşamı – cümə: 10:00-18:00; Şənbə və bazar: 10:00-17:00
- Giriş sərbəstdir.
