Nizami Gəncəviməqbərəsi və muzeyi
Dahi Azərbaycan şairi Nizami Gəncəvi məqbərə kompleksi Gəncənin ən görkəmli tarixi məkanlarından, ziyarət etməyə layiq yerlərindən biridir. Məqbərə 1990-1991-ci illərdə yenidən bərpa edilərək kompleksə ona qoruq statusu verilib. Abidənin daxilində, onun lap aşağı hissəsində şairin sərdabası yerləşir. Məqbərənin qarşısında şairin “Xəmsə”sinin rəmzi kimi yaradılan fəvvarələr meydanında qonaqlar gəzə, şəkil çəkdirə və Gəncə şəhərinin mənzərələrini seyr edə bilərlər.
Nizami məqbərəsinin qarşısında Nizami Gəncəvi Muzeyi yerləşir ki, burada şairin yubileyləri münasibətilə nəşr olunan kitab və monoqrafiyalar nümayiş etdirilir. Həmçinin muzeydə Avstriya, Rusiya, Almaniya, Böyük Britaniya milli kitabxanalarında, Misirin İsgəndəriyyə kitabxanası, Fransanın Strasburq kitabxanası və ABŞ-ın Metropoliten muzeyində qorunan nadir “Xəmsə” əlyazmalarının və miniatürlərinin orijinalları və nüsxələrindən ibarət guşəni görmək mümkündür. Muzeyin elmi tədbirlər üçün nəzərdə tutulmuş konfrans zalı isə Gəncəyə işgüzar turizm məqsədilə gələn qonaqların istifadəsindədir.
Ətraflı məlumat üçün:
Nizami Gəncəvi məqbərəsi
- Ünvan: Gəncə-Ələt-Bakı magistralının üzərində
- Nizami Gəncəvi prospekti 9 (Nizami Gəncəvi Muzeyi)
- Tel.: +99455 759 16 55 (Nizami Gəncəvi məqbərəsi);
- +99455 461 28 25 (Nizami Gəncəvi Muzeyi)
- Nizami Gəncəvi məqbərəsinə giriş sərbəstdir.
Nizami Gəncəvi Muzeyi
- Yerli ziyarətçilər - 1 ₼
- Xarici ziyarətçilər - 2 ₼
- Tələbələr - 0.50 ₼
- Şagirdlər - 0.20 ₼
