memarlığın yüksəlişiŞah Abbas məscidi
Şah Abbas məscidi və ya Cümə məscidi 1606-cı ildə Səfəvi hökmdarı I Şah Abbasın əmri ilə memar Şeyx Bahəddin Məhəmməd Amilin layihəsi əsasında inşa edilib. Aran memarlıq məktəbi üslubunda qırmızı kərpicdən tikilən bu məscid XVII əsrin memarlıq üslubunu öyrənmək üçün çox əhəmiyyətlidir.
Hətta həmin dövrdə bu məscidlə eyni üslubda Qazaxda, Tovuzda və bir sıra yerlərdə də məscidlər inşa olunub. Məscidin palıddan düzəldilmiş minbərinin üstündəki oyma bəzəklər Azərbaycan şəbəkəçilik sənətinin nadir nümunələrindəndir. Sanki rəssam fırçasından çıxan bu bəzəklər məscidə əsrarəngiz görkəm verərək ziyarətçilərin zövqünü oxşayır. Deyimlərə görə, günorta məscidin günbatan divarına düşən kölgə itir və ibadət başlanırdı. Məscid binasının giriş tağındakı qapının üstündə biri ərəb, digəri fars dilində olan iki daş kitabə bu günədək qorunub saxlanılır.
Dövlət tərəfindən qorunan Şah Abbas məscidi müxtəlif vaxtlarda bir neçə dəfə əsaslı təmir olunub və restavrasiya edilib.
Ətraflı məlumat üçün:
- Ünvan: Həsən Əliyev, 76 (Heydər Əliyev prospekti ilə kəsişmədə)
- Hər gün, saat 10:00-22:00
