Zaqataladaötən əsrlərə səyahət
Əsrarəngiz təbiəti, gözoxşayan mənzərələri ilə seçilən Zaqatalada ziyarət olunası tarixi məkanlar da az deyil. Bunlardan biri və ən məşhuru XIX əsrdə Azərbaycanın şimal-qərbini işğal edən rusların hərbi qarnizon yerləşdirmək məqsədilə 1830-cu illərdə inşa etdiyi böyük qaladır. Qala sonrakı illərdə Rusiya İnqilabını uğurla əks etdirən “Potyomkin zirehli gəmisi”nin qiyamçılarının 1907-ci ildə həbs edildiyi yer kimi məşhurlaşdı. Hazırda qalanın divarlarından əlavə su anbarının qalıqları, tövlələr, barıt anbarı, toplar və mədəniyyət klubuna çevrilən keçmiş rus kilsəsi qalmışdır. Çar ordusunun bu qalada yerləşən qarnizonunun minlərlə zabitinin, əsgər və məhbusun aqibəti barədə öyrənmək istəyirsinizsə, turlara qoşulmaq tövsiyə olunur.
Bundan başqa, Zaqatala şəhərinin mərkəzi meydanındakı qala divarlarının altında V-VI əsrlərə aid başqa bir tarixi abidə gizlənib. Alban məbədinin qalıqları olan bu bina qırmızı kərpicdən yenidən tikilərək XIX əsrdə rus əsgərləri tərəfindən istifadə olunmuşdur. Məbədin geniş sütunlu və üçmərtəbəli zalı zəng qülləsi ilə tamamlanır. Zaqatalanın maraqlı tarixi haqqında daha çox öyrənmək üçün Heydər Əliyev prospektində yerləşən tarix-diyarşünaslıq muzeyinə üz tutun.
