Qırmızı qəsəbədəyəhudi irsi ilə tanışlıq
Quba ərazisində – Qudyalçayın şimal sahillərində yerləşən Qırmızı qəsəbə (və ya Krasnaya Sloboda) nadir yaşayış məskənidir. Qırmızı kirəmitli damları ilə seçilən bu kənd İsrail və ABŞ hüdudlarından kənarda yəhudilərin dünyada kompakt yaşadığı azsaylı məkanlardan, başqa sözlə, ştetllərdən biridir. Bu qəsəbənin sakinləri əsrlərdir ki, Qubada yaşayan dağ yəhudiləridir. 18-ci əsrin ortalarında salınmış bu kənd Quba xanlığının himayəsi altında olub. Əsrlər boyu onlar bütün çətinliklərə sinə gərərək öz mədəniyyət və ənənələrini, o cümlədən nadir cuhuri dilini qoruyub saxlamışlar. Yaxın zamanlarda burada möhtəşəm yeni muzey açılacaq. Muzey dağ yəhudilərinin mədəniyyəti və tarixini nümayiş etdirəcək. Burada yerləşən sinaqoq və turizm mərkəzinə də baş çəkərək xeyli faydalı və maraqlı məlumatlar əldə etmək olar.
