qədim Şəmkirə zamanda səyahət

Şəmkirin zəngin tarixi almanların burada məskunlaşmasından qabaqkı dövrə gedib çıxır. Bütün bunlar haqqında məlumat almaq üçün Lüteran kilsəsinin arxasında yerləşən Tarix-Diyarşünaslıq Muzeyinə baş çəkin. Həmin muzeydə Şəmkirin Əhəmənilər İmperiyasından (e.ə. 550) başlayaraq tarixi xüsusi materiallar və eksponatlarla nümayiş olunur. Bundan sonra, mərkəzdən 10 km-lik məsafədə qədim Şəmkir şəhərinin qalıqlarını müşahidə edə bilərsiniz. Şəmkirçayın sol sahilindəki Muxtariyyət kəndinin şimal tərəfində yerləşən orta dövrlərə aid bu qalanın qalıqlarını görməyə dəyər. VIII-XIII əsrlərdə həmin ərazidən keçən İpək Yolu üzərində yerləşmiş qala və bürc monqolların Azərbaycan torpağına yürüşü zamanı yerlə-yeksan edilib və sonralar bərpa olunmayıb. 2006-cı ildə başlayan qazıntı işləri nəticəsində şəhərin Narınqala (içqala) hissəsinin müəyyən qalıqları aşkar edildi. Bundan əlavə, küçələrin və tikililərin aşkara çıxarılan qalıqları Arran memarlıq məktəbinin parlaq nümunələrindən hesab olunur.