Göygöl şəhərindəalmanların izi ilə
Gəncədən on kilometr cənubda, 1819-cu ildə alman kolonistləri tərəfindən yaradılmış Yelenendorf kəndi hazırda Göygöl şəhərinin əsasını təşkil edir. Azərbaycanda alman kolonistlərinin tarixi məhz buradan başlayır. Qafqazda alman mədəniyyətinin mərkəzinə çevrilmiş Yelenendorf Rusiya imperiyasında şərab və digər spirtli içkilərin satışını həyata keçirən, şərabçılıq sənayesi ilə tanınırdı. 1941-ci ildə almanlar Azərbaycandan sürgün edilsələr də, Göygöl Şərab Zavodu hələ də fəaliyyətini davam etdirir və onların izləri rayonun uca çinar ağacları ilə əhatə olunmuş qədim alman küçələrində hiss olunur. Burada 300-dən çox alman evi qalmaqdadır. Onlardan biri Göygöldə yaşayan son alman Viktor Klayna məxsusdur. Yaxınlıqda isə 1854-cü ildə inşa edilmiş və kiçik muzey kimi fəaliyyət göstərən Azərbaycandakı ilk Lüteran kilsəsi yerləşir. Göygölün bütün görməli yerləri barədə interaktiv lövhələr vasitəsilə məlumat əldə edə bilərsiniz.
