sufilərin pənahıXanəgah abidə kompleksi
Orta əsrlərdə sufi şeyxləri ailələri ilə birlikdə xanəgahlarda yaşayır, öldükdən sonra xanəgahın yanında dəfn olunurdular. Məhz bu qədim yaşayış məskənləri “xanəgah” adlanırdı. Naxçıvanı qarış-qarış gəzib dolaşarkən sufiliklə bağlı mərkəzlər, xanəgah komplekslərinə rast gəlmək olar. Belə komplekslərdən biri Culfanın Xanəgah kəndinin şimal-şərqində yerləşən XII-XV əsrlərə aid Xanəgah abidə kompleksidir. Kоmplеksdə türbə, məscid və bəzi tikililərin qalıqları günümüzə gəlib çatmışdır.
Türbə memarlıq quruluşuna görə XII əsrə aid edilir və daxilində bir qəbir vаrdır. Bu qəbrin hürufilik təriqətinin banisi Fəzlullah Nəimiyə aid olduğu söylənilir. Epiqrafik dəlillərə əsasən aydın olur ki, xanəgah XVIII əsrdə də fəaliyyət göstərmiş və onun üzvləri buradan öz ideyalarını yaymışlar.
Хаnəgаh kоmplеksinə bitişik, cənub tərəfdə inşa edilmiş türbə-məscidin kitаbəsindən aydın olur ki, türbə-məscid Şеyх Hаcı Lələ Məlikin xatirəsinə Həvva Bədr Bikə хаtının səyi ilə hicri təqvimi ilə 901-ci ildə (1496-cı il) inşa olunmuşdur.
Ətraflı məlumat üçün:
- Ünvan: Culfa rayonu, Xanəgah kəndi
- İş qrafiki: Çərşənbə axşamı – cümə: 10:00-18:00; Şənbə və bazar: 10:00-17:00
- Giriş sərbəstdir.
