Bakı

əbədi alovlar küləklər şəhəri

Avropa ilə Asiyanın qovuşduğu məkanda, dünyanın ən cazibədar və kosmopolit şəhərlərindən birinə – Bakıya xoş gəlmişsiniz! Burada, küləklər şəhərində səmalara ucalan Alov qüllələri, tarixin nəfəsini daşıyan, UNESCO-nun Ümumdünya İrs Siyahısında parlayan bir inci olan İçərişəhər, eləcə də saysız-hesabsız tarixi və mədəni xəzinələr sizi gözləyir.

Şərq və Qərbin qovuşduğu diyar

Bakıda hər kəs zövqünə uyğun əyləncə, istirahət və maraq dairəsi tapa bilər. Şərqin rəngarəng bazarları, Qərbin dinamik gecə həyatı, tarixi abidələrin unikallığı və modern üslubun estetik təntənəsi bu şəhərdə əsl harmoniya yaradır. Xəzər dənizi sahillərində yerləşən Bakı ilin hər fəslində öz gözəlliyi ilə ziyarətçilərini valeh edir: yayda günəşli çimərlikləri ilə dənizin sərin qucağına çağırır, qışda isə rahatlıq bəxş edən hamamları və SPA mərkəzləri ilə sizi istirahətin tək ünvanında birləşdirir. Bundan başqa, yaz fəslində Bakıya üz tutsanız şəhərin parklarında və bulvarında gəzərək təbiətin oyanışını hiss edə, payızda isə muzeyləri ziyarət edərək şəhərimizi doyunca yaşaya bilərsiniz.

Bakımaraqlı faktlar

MARAQLI FAKT 1

Bakı dəniz səviyyəsindən 28 metr aşağıda yerləşən dünyanın yeganə paytaxt şəhəridir.

MARAQLI FAKT 2

Bakı Xəzər dənizi sahili və Qafqaz regionunda ən böyük şəhərlərdən biridir.

MARAQLI FAKT 3

Küləklər şəhəri olaraq tanınan Bakıda iki külək – cənubdan isti gilavar və şimaldan sərin xəzri əsir.

MARAQLI FAKT 4

Bakı bir sıra xarici filmlərin çəkiliş meydançasına ev sahibliyi edib. Məşhur sovet filmləri “Brilliant əl”, “Tehran-43”, “Amfibiya adam” ilə yanaşı, Ceyms Bondun macəralarından bəhs edən “Dünya kifayət deyil” filmi də Bakıda çəkilib.