naxışlardakı ilhamvericilikKilimçi studiyası
“Kilimçi” sadəcə studiya kimi deyil, eyni zamanda ilhamvericiliyin naxışlarda və sənətkarlıq ənənələrindən əmələ gəldiyi yaradıcılıq mərkəzi kimi də fəaliyyət göstərir. Burada ustadlar iştirakçılara sənətkarlığın sirrlərini öyrətməklə yanaşı, həm də onları yaradıcılıq və innovasiya ilə dolu atmosferə sürükləyirlər. Kreativ master-klaslar və seminarlar hər kəsə yaradıcılığın bu sahəsinin özünəməxsus texnikalarını mənimsəməyə və öz ideyalarını tətbiq etməyə imkan yaradır.
İlk öncə, yaradıcılğın bu sahəsinə köklənməmişdən əvvəl “kilim”in nə olduğunu anlayaq.
Kilim – əllə toxunulmuş ənənəvi şərq xalça növüdür. Üzərinə həkk olunmuş hər bir naxış, hər bir ornament bu şedevri yaradan xalqın zəngin tarixi və mədəni irsini əks etdirir. Bu xalçalar təkcə məkanı bəzəmir, eyni zamanda xalqın keçmişindən bəhs edir, həyat, təbiət fəlsəfəsini və hətta milli-mənəvi dəyərləri insanlara ötürür. Məhz “kilim ustası” mənasına gələn “kilimçi” sözü də buradan götürülmüşdür.
2016-cı ildə əsası qoyulmuş və qədim sənətin şərəfinə adlandırılmış “Kilimçi” mərkəzinin əsas məqsədi Azərbaycanda xalçaçılıq və qobelen toxuma ənənələrini yenidən dirçəltməkdir. Studiya fəaliyyətə başladığı gündən bəri yalnız xalçaçılıq deyil, həm də dulusçuluq, gildən heykəltəraşlıq, kəlağayı hazırlanması, sabun bişirilməsi və bir çox digər sənət növləri üzrə müxtəlif ustad dərsləri keçirir.
Qeyd etmək vacibdir ki, master-klaslar həm böyüklər, həm uşaqlar üçün keçirilir. “Kilimçi” yalnız studiyada deyil, həmçinin məktəblərdə və açıq havada xüsusi proqramlarla kreativ master-klaslar təşkil edir.
Ətraflı məlumat üçün:
Tel.: +99455 515 18 51
Sayta keçid edin
.jpg)
