Çəmbərəkənd parkındamənzərələrdən zövq al
Çəmbərəkənd parkı Bakının ən müasir və sevilən istirahət məkanlarından biridir. Səbail rayonunda yerləşən ərazi 2022-ci ildə istifadəyə verilib və qısa zamanda həm yerli sakinlərin, həm də qonaqların sevimli nöqtəsinə çevrilib. Buna səbəb əlverişli yerləşmə, müasir infrastruktur və şəhərə açılan füsunkar panoramalardır.
Təxminən 4 ha sahəni əhatə edən məkan bol yaşıllıqla seçilir. Burada minlərlə ağac, kol və dekorativ bitki əkilib, bu da sakit və rahat bir mühit yaradır. Yüksəklikdə yerləşməsi isə Bakını ən gözoxşayan rakurslardan izləməyə imkan verir — şəhər sanki bütün gözəlliyi ilə qarşında açılır.
Çoxsəviyyəli piyada yolları, geniş terraslar və baxış nöqtələri gəzinti üçün ideal şərait yaradır. Burada həm şəhərin ritmini hiss etmək, həm də gündəlik səs-küydən uzaqlaşıb rahatlanmaq mümkündür. Uşaqlar üçün oyun zonaları və idman sahələri isə məkanın xoş ab-havasını tamamlayır.
Ərazi şəhər mərkəzinə yaxın yerləşdiyi üçün buraya çatmaq asandır. İstər qısa gəzinti, istərsə də sakit vaxt keçirmək üçün Çəmbərəkənd parkı Bakıda seçilən məkanlardan biridir.
.jpg)
