Naxçıvandaunikal quşların seyri
Naxçıvanın təbiəti unikallığı ilə seçilir və ilin hər dövründə gözəldir. Naxçıvan Muxtar Respublikası ərazisində yarımsəhra və quru çöl iqlimi, eləcə də yayı quraq keçən soyuq iqlim hökm sürür. Kiçik Qafqazın cənub-qərb qurtaracağında yerləşən Naxçıvan düzənlik (Arazboyu düzənlik) və dağlıq (Zəngəzur və Dərələyəz silsilələri) hissədən ibarətdir. Cənubda – İranla sərhəd boyunca Araz çayı axır.
Naxçıvan geniş əraziyə malik olsa da, burada mövcud olan quş müşahidəsi nöqtələrinə gedib quşları izləmək üçün iki və ya üç gün kifayət edər. Naxçıvan şəhərində qalaraq bütün quş müşahidəsi nöqtələrinə rahat getmək olar. Bu regionun özünəməxsusluğu ondadır ki, burada mövcud olan ornitofauna Azərbaycanın digər regionlarından nəzərəçarpacaq dərəcədə fərqlənir və Türkiyənin şərqi və İranın şimal-qərbi ilə oxşarlıq təşkil edir. Mayın sonu, iyunun əvvəli Naxçıvana səyahət edənlər digər quşlardan başqa, yalnız bu regiona xas 10-12 nadir quş növü – aladöş çərənçi, monqol hörücüsü, səhra qarquşu, bozboyun vələmirquşu, səhra zəvzəyi, ağboğaz bülbül və səhra kəkliyini də görə bilərlər.
Əraziyə xas quşlar
Monqol hörücüsü (Eremopsaltria mongolica)
Bozboyun vələmirquşu (Emberiza buchanani)
Qızılquyruq çaxraqcıl (Oenanthe chrysopygia)
Ağboğaz bülbül (Irania gutturalis)
Aladöş çərənçi (Prunella ocularis)
Səhra kəkliyi (Ammoperdix griseogularis)
Səhra zəvzəyi (Hippolais languida)
Qısabarmaq sərçə (Carpospiza brachydactyla)
İkixallı torağay (Melanocorypha bimaculate)
Xəzər uları (Tetraogallus caspius)
Böyük qayalıq fitçisi (Sitta tephronata)
Bığlı qızılquş (Falco birmicus)
Qaraqarın bağrıqara (Pterocles orientalis)
Səhra hörücüsü (Bucanetes githagineus)
Qırmızıqanad hörücü (Rhodopechys sanguinea)
Bozumtul çalağan (Elanus caeruleus)
Ən uyğun dövrlər
Əksər quş növlərini yazın sonu və yayın əvvəli müşahidə etmək mümkündür. Payızın sonu və qışda isə Araz çayı və su anbarı sahillərində qışlayan quşları görmək olar.
Gecələmə
Naxçıvan şəhərində çox sayda və fərqli büdcələrə uyğun hotellər və qonaq evləri fəaliyyət göstərir: “Təbriz” hoteli (+994365447701), “Grand Nakhchivan Hotel” (+994365445930), “Duzdağ” hoteli (+994365444901), “Saat Meydani Hotel” (+994365457755) və s.
