Duzdağda təbiətin gücünü hiss edin
Azərbaycandakı sağlamlıq kurortlarının əksəriyyətində duz terapiyası tətbiq edilir. Lakin aparılmış tədqiqatlar nəticəsində məlum olmuşdur ki, Naxçıvan ərazisində hələ Eneolit dövründə duz çıxarılır.
Şəhərdən 12 km məsafədə yerləşən Duzdağ Fizioterapiya Mərkəzinin 110 metr dərinliyə qədər uzanan duz mağaralarında bronxial astma, xroniki bronxit, pollinoz, allergik rinit kimi xəstəliklər müalicə olunur. Mərkəzdə təcrübəli həkim və fizioterapevt komandası xidmət göstərir. Yeraltı şaxtalardakı köhnə duz mədənlərində gecələyən xəstələr speleoterapiya (yunan dilində “speleon” mağara, “terapiya” isə müalicə deməkdir) üsulu ilə müalicə olunaraq şəfa tapırlar.
Bu unikal imkandan faydalanmaq üçün mərkəzin ərazisindəki mağaralardan birində gecələyərək buranın ionlarla zəngin havasını ciyərlərinizə çəkə bilərsiniz. Şaxta horizontal yerləşdiyindən, xəstələr yeraltı hissəyə adaptasiya olunaraq girirlər. Burada havalandırma təbii, mikrob cisimciklər aşağı səviyyədə, allergenlər isə yox dərəcəsindədir. Mağarada rütubət və temperatur daim sabitdir. Mərkəzin yaxınlığında yerləşən “Duzdağ” hotelində isə açıq və qapalı hovuz, SPA mərkəzi, uşaq-oyun guşəsi və restoran istirahətdən zövq almaq imkanı yaradır.
Ətraflı məlumat üçün:
duzdag.nakhchivan.az/
Ünvan: Naxçıvan şəhəri, Duzdağ yolu
Tel.: +99436 544 49 41
