Şəki dağlarınaat belində səyahət
Tarixi abidələri və füsunkar təbiəti ilə tanınan Şəkidə həm də aktiv istirahətdən zövq ala bilərsiniz. Şəkiyə səyahət zamanı unudulmaz və maraqlı təəssüratlarla ayrılacağınız macəralardan biri də at belində əzəmətli Qafqaz dağlarına qalxmaq olacaq. Tarixi Kiş kəndi yaxınlığında yerləşən Khanland Ekstrim Əyləncə Mərkəzindən başlayan tur bir neçə istiqamətdə davam edir və siz bu marşrutların hər birini at belində qət etməklə Şəkinin heyrətamiz təbiətini kəşf edə bilərsiniz.
Buradan Kiş çayına, Qaynar şəlaləsinə, Şəki xanlarının yay məskəsi olan Xan yaylağına at üstündə səfər edərkən yol boyu sizi izləyən mənzərələri seyr edəcək, dağ cığırlarından keçəcəksiniz. Səfərə başlamamışdan əvvəl qısa məşq yürüşündə iştirak etməklə təlimçilərin tövsiyələri, təhlükəsizlik qaydaları ilə tanış ola bilərsiniz. At belində uzun səfərə çıxmaq istəməyənlər isə istirahət mərkəzinin ərazisində at sürə bilərlər.
Ətraflı məlumat üçün:
Şəki Regional Turizm İdarəsi
[email protected]
Tel.: +99424 244 6095
