ŞəkininKiş adası
Şəkinin Kiş kəndində yerləşən bu istirahət mərkəzi Kür çayının hər iki tərəfi ilə əhatələndiyi üçün “Kiş adası” olaraq adlandırılmış və yay mövsümündə bölgəyə üz tutan hər kəsin sevimli məkanına çevrilmişdir. Təmiz dağ havasında dincəlmək istəyənlər üçün ideal şəraitə malik bu mərkəzdə kotteclərdən və restoranlardan tutmuş, piknik və kempinq imkanlarına qədər hər şey düşünülüb.
Burada Şəki mətbəxinin nəfis təamlarından dadmaqla yanaşı, həm də təbiət qoynunda unudulmaz macəralarla dolu anlar yaşaya bilərsiniz. Ən möhtəşəmi isə peşəkar bələdçilərin müşayiəti ilə Kiş kəndindən Böyük Qafqaz dağlarının uca zirvələrinə doğru atla yola çıxmaqdır. Bu zaman dağ silsilələrini keçərkən görəcəyiniz gözoxşayan mənzərələr sizi valeh edəcək. Tur bir neçə istiqamətlərdə davam edir və siz bu marşrutların hər birini at belində qət edərkən Şəkinin qədim tarixi ilə təbiətini yaxından kəşf edə bilərsiniz.
Ətraflı məlumat üçün:
Ünvan: Şəki rayonu, Kiş kəndi
Tel:. +99470 250 54 24; +99450 550 54 24
