tarixdən gələnənənəvi hamam təcrübəsi
“Abdulxaliq hamamı” Şəkidə fəaliyyət göstərən hamamdır. Tarixi kökləri 18-ci əsrin sonları və 19-cu əsrin əvvəllərinə dayanan hamamın tikilməsi və bu cür adlandırılması Abdulxaliq adlı bir bərbərin adı ilə bağlıdır. Rəvayətə görə, hamamın tikintisi yerli məhəllənin hamam yerinə olan ehtiyacından qaynaqlanıb və Abdulxaliq adlı həmin bərbər də məhəllədə yaşayan qadın sakinlərinin uzaq yol qət etməməsi və rahatlığı üçün bu hamamı inşa etdirib. Abidənin fasad divarında yerləşən ərəbdilli lövhədə bərbərə məxsus alətlərin - ülgüc, qayçı, “Məşədi İbad” personajının təsviri isə xüsusi diqqət çəkir.
Hamam həftənin III, V və VII günləri kişilər üçün, IV və VI günləri qadınlar üçün fəaliyyət göstərir. Hamamda təklif olunan kisələmə və masaj xidmətlərindən istifadə etdikdən sonra ruhən canlanmış hiss edəcək və dərinizin təravətləndiyinə təəccüblənəcəksiniz.
Ətraflı məlumat üçün:
Ünvan: Şəki şəhəri, M.Ə. Rəsulzadə prospekti 274
Tel.:+99455 589 01 00
İş saatları: 08:00 – 22:00
