incəsənətdə yeni nəfəsGəncəsənət
Tarix qoxan mədəniyyəti, muzeyləri, tarixi və mədəni abidələri, parkları, heç kəşf olunmayan məkanları, özünəməxsus nəfis mətbəx və dadlı təamlarından həzz aldıqca "niyə daha əvvəl buraya gəlməmişəm" deyə sual edirsən. Gəncəyə səfər edərkən şəhərin zəngin tarixi köklərini itirmədən simasının gündən-günə necə gözəlləşdiyinə, inkişaf etdiyinə təəccüblənəcəksiniz. Azərbaycan Demokratik Respublikasının ilk paytaxtı olan bu şəhərin küçələri insanı sanki fərqli dövrlər arasında sehrli səyahətə-başqa bir aləmə aparır. Məhz bu qeyri-adi, bənzərsiz gözəlliyi təcrübə etmək, gənc ruhlu insanlarını yaxından tanımaq, xatirələrdə xoş izlər buraxmaq üçün zəngin diyar Gəncə qonaqlar qarşısında gözəl imkanlar açır. Buraya səfəriniz zamanı “Gəncəsənət” – Gəncə incəsənət, sənətkarlıq və yaradıcılıq sərgi-yarmarkasını mütləq gedilməli olan məkanlar siyahısına əlavə etsəniz, əl əməyi, göz nuru yerli yaradıcılıq nümunələrini yaxından kəşf edə və ala bilərsiniz. Hətta sənətkarlar, yaradıcılıqla məşğul olanlar ilə ünsiyyət sizi əmin olun ki, yaradıcılığa sövq edəcək.
“Gəncəsənət” sərgi-yarmarkası qonaqları hər ayın ilk şənbə günləri səhər saat 11:00-dan axşam saat 18:00-dək qəbul edir. "Qalereya və Urban mərkəzi"ndə keçirilən sərgi-yarmarkada ödənişsiz iştirak edərək zəngin diyardan xoş təəssüratlarla ayrılacaqsınız.
Əlavə məlumat üçün:
Tel.: +994 51 310 23 83 / +994 55 250 93 39 .
feysbuk qrupuna keçid
