Lənkəranlı Nənələr qrupuvə talış folkloru
Lənkəranın Separadi kəndindən olan folklor və rəqs ansamblı olan “Nənələr” qrupunu yəqin ki, tanımayan yoxdur. Bu qrup həm də “Lənkəran Nənələri” adı ilə məşhurdur. Qrup üzvləri Talış və Azərbaycan xalq mahnılarının, bayatıların ifaçılarıdır. İlk yarandığı vaxt qrupun 4 üzvü olub və "Bacılar" adı ilə fəaliyyət göstərib. Çünki onlar əsl həyatda da bir-birlərinə doğma bacı kimi yaxın olublar. “Nənələr” adını qrupa 1997-ci ildə Lənkəranda səfərdə olan Ümummilli Lider Heydər Əliyev təklif edib. İfaçılar da bu təklifi bəyəniblər və həmin ildən “Bacılar” adı “Nənələr”lə əvəzlənib.
“Nənələr” kollektivi nəinki Azərbaycanda, hətta dünyanın digər ölkələrində də tanınırlar. Onlar bu gün tez-tez festivallara, respublika səviyyəsində olan bütün tədbirlərə dəvətlər alır və sevə-sevə iştirak edirlər. Qrupun ifasında 100-ə yaxın ifa olsa da, daha çox “Ay lolo” mahnısı ilə tanınırlar. Hətta “Ay lolo” mahnısı 2012-ci ildə “Grand” mükafatına layiq görülüb.
Ətraflı məlumat üçün:
Tel.: +99450 531 69 96
(dəstək üçün Lənkəran Regional Turizm İdarəsi ilə əlaqə saxlaya bilərsiniz)
