dadlı və zənginLənkəran mətbəxi
Lənkəran Azərbaycanın cənubunda Talış dağları və Xəzər dənizi arasında yerləşən subtropik bölgədir. Buranın yerli mətbəxi zəngin və müxtəlifdir: düyü, ət, balıq, tərəvəzlər və ləziz şirniyyatlar onun əsasını təşkil edir. Cənub bölgəsi həm də öz multikulturalizmi ilə fərqlənir və bu da region mətbəxinin formalaşmasında müstəsna rol oynayır.
Lənkəranda ən məşhur yerli təam ləvəngidir. Bu yemək içərisi lavaşa, qoz, soğan və alçadan hazırlanan palçıq turşu ilə doldurulmuş toyuq, yaxud balıqdan hazırlanır və ənənəvi olaraq təndir çörəyi bişirmək üçün istifadə olunan silindrik formalı gil təndir sobaların içərisində və ya yeraltı təndirlərdə bişirilir. Sınamalı olduğunuz digər təamlara külçə, boranı və mərci plovları, həmçinin fisincan plov daxildir. Vegetarianlar soğan və göyərtilərlə hazırlanan kükünü mütləq dadmalıdırlar. Şirniyyatsevərlərə isə lökü və qəndli külçənin dadına baxmadan Lənkərandan getmək tövsiyə olunmur.
