Lənkəranın müalicəvə sağlamlıq mərkəzləri
Lənkəranın ən məşhur isti su vannaları olan məkanlardan biri də İstisu qəsəbəsində yerləşən şəfalı vannalardır. Hələ qədim dövrlərdə yerli sakinlər tərəfindən bu sudan müalicəvi məqsədlər üçün istifadə olunmuşdur. Burada çıxan kükürdlü su faydalı kimyəvi tərkibinə və yüksək müalicəvi təsirinə görə Soçi-Matsesta kükürdlü sularından heç də geri qalmır. Bir qayda olaraq, burada yer altından çıxan isti, minerallarla zəngin su vannaları qəbul etmək mümkündür. Həmin vannalar insanı həddən artıq dərəcədə sakitləşdirir.
Bir digər termal su mənbələrindən olan İbadi isti su vannaları Haftoni qəsəbəsinin ən hündür hissəsində yerləşir və dəmirağac meşəsi ilə əhatələnir. Təbii şəkildə birbaşa yerdən çıxan isti su unikal müalicəvi xüsusiyyətlərə malik olduğu üçün revmatoloji və dəri xəstəlikləri üçün çox faydalı hesab edilir. Gözəl təbiətin əhatəsində rahatlanmaq üçün hər bir imkan yaradılıb.
Həmçinin Haftoni qəsəbəsində birbaşa yerdən çıxan isti su mənbələrinin üzərində inşa edilən “Lankaran Springs Wellness Resort” hotel və sağlamlıq sanatoriyasında mineral sularla müalicə tamamilə yeni səviyyəyə yüksəldilib. Burada kimyəvi tərkibi faydalı mikroelementlərlə zəngin mineral sularla müalicə ilə yanaşı, həm də spa və termal prosedurlar da təklif olunur.
Ətraflı məlumat üçün:
- İstisu vannaları
- Giriş: 3 AZN
- İş qrafiki: Hər gün, 09:00-20:00
- Tel.: 99470 274 42 42
- İbadi su vannaları
- Giriş: 3 AZN
- İş qrafiki: Hər gün, 08:00-20:00
- Lankaran Springs Wellness Resort
- lankaransprings.az
- Tel.: +99451 235 96 00
