Dəniz sahilində uşaq əyləncəsi

Dənizkənarı bulvar ərazisində yerləşən “Dəniz Mall” alış-veriş mərkəzi təkcə şopinq həvəskarının deyil, həm də ailəvi istirahət və əyləncə axtarışında olanların üz tutduqları əsas məkanlardandır. Burada fəaliyyət göstərən uşaq-əyləncə mərkəzlərində müxtəlif növ aktiv və öyrədici fəaliyyət növləri uşaqların ixtiyarındadır.

dəniz sahilindəuşaq əyləncəsi

Ümumi sahəsi 5 000 m2 olan “Kinderland” təhsil və əyləncə mərkəzi küçələri, mağazaları, bankı, xəstəxanası və hətta hava limanı ilə sanki Bakının kiçik modelini xatırladır. Bu şəhərciyin hətta xüsusi valyutası da var – kindi. Burada uşaqlar müxtəlif peşə sahibləri – həkim, yanğınsöndürən, polis, pilot, aşpaz, alim, aktyor, stilist, hotel əməkdaşı, turizm agenti və s. rollarda çıxış edərək həm əylənir, həm də bu fəaliyyət sahələri barədə maraqlı məlumatlar əldə edirlər. “Airbus A319” təyyarəsinin 16 metrlik gövdəsindən hazırlanan instalyasiya və peşəkar uçuş simulyatoru isə xüsusi marağa səbəb olan guşələrdəndir. Şəhərcikdəki 60-dan çox peşə fəaliyyət növü 4-14 yaş arası uşaqlar üçün nəzərdə tutulub, daha aşağı yaşlı uşaqlar üçün isə xüsusi oyun meydançası mövcuddur.

“SkyPark” idman və əyləncə kompleksi isə bütün ailə üzvlərinin aktiv istirahəti üçün nəzərdə tutulmuş məkandır. Burada hər kəsin öz fiziki bacarıqlarını nümayiş etdirə biləcəyi çox sayda fəaliyyət növü var. Parkur batutları, dırmanma divarı, ziplayn, batutda tullanma, ip parkı, “dodgeball”, “ninja quest” kimi müxtəlif aktiv fəaliyyətlər həm uşaqların, həm də böyüklərin ixtiyarındadır. Əyləncə mərkəzi 5 yaşdan yuxarı hər kəs üçün uyğundur, amma müəyyən fəaliyyətlər 13 və 16 yaşdan yuxarı yeniyetmələr və böyüklər üçün nəzərdə tutulub.

“Dəniz Mall”da uşaqların əyləncəsi və istirahəti üçün nəzərdə tutulan digər məkan “Happyland” uşaq-əyləncə mərkəzidir. Müxtəlif oyun aparatları və attraksionları, uşaq meydançaları və böyük oyuncaq mağazası buranı balacaların sevimli məkanlarından birinə çevirib. Uşaq-əyləncə mərkəzində kiçik yaşlıları həvəsləndirən başqa bir məqam oyunlar zamanı udulan biletlər vasitəsilə oyuncaq mağazasından müxtəlif oyuncaqlar qazanmağın mümkün olmasıdır. Qeyd edək ki, “Happyland” uşaq-əyləncə mərkəzi “Park Bulvar” və “Metropark” AVM-lərdə də fəaliyyət göstərir.

Ətraflı məlumat üçün:
Dəniz Mall
denizmall.az
Ünvan: Neftçilər pr. 26b
Tel.: +99412 525 9988

Kinderland
instagram.com/kinderlandbaku/
facebook.com/Kinderlandaz
Tel: +99412 525 4404

Happyland
happylandfun.az
instagram.com/happyland.baku/
facebook.com/Happyland.Azerbaijan/

SkyPark
instagram.com/skypark.baku/
Tel: +99450 355 0770

QALEREYA

Xəzərin sahilində uşaqlar üçün əyləncə anları

FAYDALI MƏLUMATLAR

hava və mövsüm

Havanın temperaturu

Hazırda:: 27.4°C

Orta:: 23.3 – 28.6°C / 73.9–83.5°F

Temperaturu hiss et

Hazırda:: 26.6°C

Orta:: 23.2 – 29.7°C / 73.8–85.5°F

Külək

Hazırda:

Very windy; humid
Şimal
sürət 44.4 km/h

Nə vaxt getmək

Pik mövsümü:
Yay

hotel rezervasiyaedin

Ölkəmizi rahat gəzib-görmək üçün çoxsaylı hotel çeşidindən seçim edə bilərsiniz.

tours

region və marşrut barədədaha ətraflı

Bakı

Bakı

Qədimlik ilə müasirliyin vəhdəti olan Bakıya xoş gəlmisiniz. Küləklər şəhəri Bakıda hər kəsi səmalara ucalan Alov Qüllələri, YUNESKO-nun dünya mədəni irsi siyahısına salınmış İçərişəhər, onlarla tarixi və mədəni abidələr və daha bir çox maraqlı məqamlar gözləyir. Daha ətraflı

Şimal marşrutu

Şimal marşrutu

Bu marşrut Xəzər dənizi sahillərində yerləşən və daim hərəkətdə olan Bakıdan səmalara yüksələn Qafqaz dağlarına qədər uzanır. Marşrut boyunca sizi açıq havada əyləncəli fəaliyyət növləri, o cümlədən ekskursiyalar, kaytsörfinq və paraplan, kulinariya sürprizləri və ən gözəl mənzərələr gözləyir. Daha ətraflı