Şahdağ Quba & Truskavetsmüalicə-sanatoriya
Azərbaycanın dilbər bölgələrindən biri olan Quba gözəlliklər diyarıdır, səyyahların, təbiət vurğunlarının məkanıdır. Təbiət əhatəsində sağlam və keyfiyyətli istirahəti birləşdirmək istəyənlər Qubanı siyahıya əlavə edə bilər. Quba şəhərinin mərkəzində, Qudyalçayın sahilindəki səfalı guşədə yerləşən “Şahdağ Quba & Truskavets” müalicə-sanatoriya kompleksinə qısamüddətli istirahətə gələnlər üçün əsl Truskavets təcrübəsi təklif edir.
Ən son tibbi avadanlıqlarla təchiz edilmiş kompleksdə şəkərli diabet, endokrinoloji, nevroloji və dayaq-hərəkət sistemi xəstəliklərindən əziyyət çəkənlər peşəkar tibb personalı və həkimlərin nəzarəti altında müalicə kursu keçə bilər. Truskavetsdən gətirilmiş müalicə vannaları, Ukraynanın bu kurort şəhərinin müalicə sanatoriyalarının təcrübəsindən istifadə edilməsi gələn qonaqların tam rahatlığı və istirahətini təmin edir. Faydaları saymaqla bitməyən Ozonoterapiya, Sidr çəlləyi, Duz terapiyası kimi xüsusi müalicəvi prosedurlar hər kəsə fərdi olaraq təyin edilir və yüksək keyfiyyətlə həyata keçirilir. Bu prosedurlardan sonra özünüzü ruhən və cismən yenilənmiş kimi hiss edəcəksiniz.
Yerli və xarici turistlər ilboyu sağlamlıq turizmi məqsədilə Şahdağ Truskavets sanatoriyasına üz tutur və müxtəlif müalicə paketləri arasından seçim edirlər.
