Şahdağın qoynundasürət həyəcanı
Qış aylarında bəyaz qar örtüyünə bürünən, yayda isə yaşıllığa qərq olan dağlar və bu möhtəşəm mənzərənin qoynunda sizə adrenalin yaşadacaq sürət attraksionu. Şahdağ Turizm Mərkəzində bütün fəsillərdə sınaqdan keçirə biləcəyiniz fəaliyyətlərdən biri “dağ kosteri” kimi də tanınan “Alpine Coaster” attraksionudur. Dəniz səviyyəsindən 1 430 metr yüksəklikdə yerləşən attraksionun eniş sürəti 42 km/saat, yoxuş sürəti isə 9 km/saat-dır. Eniş zamanı iki əyri və doqquz dolanbac zolaq adrenalin həvəskarlarına həyəcanlı anlar yaşadır. Attraksionda quraşdırılmış 50 kirşə bir saat ərzində 300-350 nəfərin istifadə etməsinə imkan verir.
Attraksiondan istifadə üçün biletləri “Şahdağ Hotel və Spa” və “Zirvə” hotellərinin ərazisində yerləşən satış məntəqələrindən əldə edə bilərsiniz. 3 yaşdan yuxarı uşaqların girişinə icazə verilən attraksiondan istifadə etməmişdən əvvəl əməkdaşlar sizi təhlükəsizlik təlimatı ilə tanış edəcəklər.
Ətraflı məlumat üçün:
Şahdağ Turizm Mərkəzi
shahdag.az
[email protected]
Tel.: 1100
