Şahdağdaqış və yay macəraları
Ənənəvi xizək yolları, adətən, həvəskarlar üçün bezdirici olur. Azərbaycanın Qafqaz dağlarında yerləşən iki kurortu isə öz cəlbediciliyi və möhtəşəm mənzərələri ilə seçilir. Şahdağ kurortu 14 xüsusi xizək yolu, peşəkar təlimçiləri və bacarıqlı heyət üzvləri ilə dünya standartları səviyyəsində təmin olunub. Xizək yolları müasir qar generatorlarının köməyi ilə hazırlanır. Burada yeni, dünya səviyyəli kanatlar və dağ-xizək liftləri yerləşdirilib. Daha təcrübəli xizəkçiləri isə Qəbələdə yerləşən Tufandağ Qış-Yay Turizm Kompleksində kifayət qədər mürəkkəb xizək yolları gözləyir. Bununla belə, burada xizək sürmək istəməyənlər üçün də bir çox məşğuliyyətlər nəzərdə tutulub: kirayə və təmir mağazalarından başqa, hər iki kurortda kafe, restoran və barlar fəaliyyət göstərir. Hər iki kurort bütün il ərzində ziyarətçilərin açıq havada istirahətinə hesablanıb. Bu məkan piyada və velosipedlə gəzinti, paraplan və möhtəşəm mənzərələrdən həzz ala bilmək üçün yayda da, qışda da fəaliyyət göstərir.
skiazerbaijan.com veb-saytına keçid
