“Port Baku”daalış-veriş və əyləncə
Bakının aparıcı biznes mərkəzi və yaşayış komplekslərindən olan “Port Baku”da elit kafelər, restoran və mağazalar fəaliyyət göstərir. Müasir memarlıq tərzində tikilmiş binalar ərazini daha da cəlbedici edir. Müasir “Port Baku Mall” şəhərin aparıcı lüks alış-veriş məkanlarından biridir. Burada yüksək səviyyəli beynəlxalq brendləri, o cümlədən “Ralph Lauren”, “Giorgio Armani”, “Valentino”, “Alexander McQueen”, “Michael Kors” və “Burberry”ni tapa bilərsiniz. Birinci mərtəbədə yerləşən “Port Baku Bazar” supermarketi öz yüksək keyfiyyətli ərzaq və içki çeşidləri ilə şəhərimizin qonaqları arasında məşhurdur. Yaxınlıqda isə şəhərin yüksək səviyyəli sağlamlıq və idman mərkəzlərindən biri – “The Club” yerləşir. Burada bir sıra dərslər və xidmətlər, o cümlədən tennis kortu, dırmanma divarı və qolf simulyatoru təklif olunur.
.jpg)
