Dilbər guşə İsmayıllıdaaqroekoturizm təcrübəsi
Qafqaz Albaniyasının izlərini özündə daşıyan İsmayıllı təkcə tarixi abidələri, yaşıllıqlara qərq olunmuş təbiəti, xalq sənətkarlığı və şərabları ilə öyünmür, bura həm də aqroekoturizmin günbəgün inkişaf etdiyi şəhərdir. Qısa müddətlik də olsa, şəhər həyatının səs-küyündən uzaqlaşıb kənd həyatının sehrində ilişib qalmaq gözəl səslənir, elə deyilmi?
Məhz İsmayıllının Təzəkənd kəndində yerləşən Lakeside Garden arzusunda olduqlarınızı daha da yaxın edir. Turistlərin hər ay axın etdiyi “Lakeside Garden – İsmayıllı” aqroekoturizm təsərrüfatı bir sosial sahibkarlıq subyekti kimi yola çıxaraq həm şəhər əhalisi, həm də turistlər üçün alternativ istirahət olan aqroekoturizm təcrübəsi təklif edir. Vəlbinə gölünün sahilində, meşənin düz kənarında yerləşən bu ailə təsərrüfatına öncədən rezervasiya edərək orqanik kənd məhsullarından, ocaqda hazırlanan dadlı-tamlı yeməklərdən dadıb təbiət qoynunda kempinq edə bilərsiniz. Həmçinin kənd əhalisinin məhsullarından əldə etsəniz, təsərrüfatın inkişafında sizin də payınız olacaq. Sərgüzəştlər burada yekunlaşmır! Musiqi festivallarının təşkili, aqroekoturlar, kənd evi və ya çadırda gecələmə, yeniyetmə və gənclər üçün düşərgələr, əl işləri və kənd məhsullarının yarmarkası, yerli əhali və qonaqlar üçün müxtəlif ödənişsiz sosial fəaliyyətlər və bu kimi tədbirlər təsərrüfatda tapa biləcəyiniz xidmətlər sırasındadır.
Dilbər guşə İsmayıllıda aqroekoturizmin ilin istənilən vaxtı - yazda da, yayda da, payızda da, qışda da öz ləzzəti olur!
Ətraflı məlumat üçün:
Ünvan: İsmayıllı rayonu, Təzəkənd kəndi
Tel.: +99450 632 01 84
