Zaqatala dağlarınınseyrinə çıxın
Dörd tərəfdən dağlarla əhatələnmiş vadidə yerləşən Car kəndi özünün könüloxşayan mənzərəsi ilə seçilir. Zaqatalanın bu gözəl kəndindən alp çəmənliyi ilə örtülmüş Şamilovka yaylasına (və ya Honqozor yaylası) gəzintiyə çıxa, dərəli-təpəli dağların və sıx meşənin arasından axan Katex çayına tamaşa edə bilərsiniz. Kəndə aparan beş saatlıq yol boyunca rastınıza çıxacaq bulaqların cənnət suyundan doyunca içə, yay mövsümünü sürüsü ilə yaylaqda keçirən yerli çobanlarla görüşə bilərsiniz. Səyahətdən daha çox zövq almaq üçün gecəni təpədəki düşərgədə qalın və növbəti gün fıstıq meşəsinin içindən keçib Cara qayıdın.
