Zaqataladaforel balığı ovu
Zaqatala rayonunun Maqov kəndində, ağacların əhatəsində yerləşən Zaqatala forel təsərrüfatı 1979-cu ildən fəaliyyət göstərir. Burada dağ çayları, bulaq və quyu sularından istifadə edilməklə göy qurşağı və qızılı çay foreli yetişdirilir. Təsərrüfatda balıqların yetişdirilməsi bölgənin ekosisteminin, çaylarda balıq ehtiyatının qorunmasına dəstək verir.
Zaqatala forel təsərrüfatı ekoturizm həvəskarları və ləziz təamlar axtarışında olanları daha çox cəlb edir. Burada keçirəcəyiniz bir neçə saat ərzində göy qurşağı forel balığını yetşdirməyin sirlərini öyrənəcəksiniz. Peşəkar balıqyetişdirənlər sizi balıqların bəslənməsi prosesi ilə tanış edəcəklər və hətta özünüz də bu prosesdə iştirak edə bilərsiniz. Fermanın daxilində fəaliyyət göstərən restoranda isə qızardılmış forel balığını və geniş çeşiddə digər təamları nuş edə bilərsiniz.
Burada zövq alacağınız digər bir məşğuliyyət isə balıq tutmaq olacaq. Tutduğunuz balıqları restoranda çalışan aşpazlara verərək sizə dadlı nahar hazırlamalarını istəyə bilərsiniz. Həmçinin may-sentyabr ayları arasında əvvəlcədən sifariş etməklə açıq havada balıq hazırlanması üzrə masterklaslarda iştirak edə bilərsiniz.
Ətraflı məlumat üçün:
Ünvan: Zaqatala rayonu, Maqov kəndi
Tel.: +99450 461 11 78
