yeni dadlar axtarışındaqurmanları cəlb edən Qəbələ
X əsrdən etibarən tarixi mənbələrdə Qəbələ təkcə qoz, fındıq və şabalıdı ilə deyil, həm də alma, heyva, armud, albalı və digər meyvələri ilə məşhur bir məkan kimi qeyd olunurdu. VIII-XIII əsrlərə aid arxeoloji tapıntılar da sübut edir ki, region sakinləri həmin dövrdə belə müxtəlif meyvələri əkib-becərməyi və qış üçün tədarük etməyi bacarırdılar.
Bu gün də Qəbələ dad həvəskarlarını özünəməxsus ləzzətləri ilə cəlb etməyə davam edir. Burada siz məşhur üçqulaq paxlavasını, qoz ləpəsi ilə hazırlanan Həmzəli halvasını, tamamilə fərqli dadı ilə seçilən dulğunu və şabalıddan hazırlanan saysız-hesabsız şirniyyat və yeməklərini dada bilərsiniz. Şəhərin restoranlarında isə qoz dolması, əvəlikli aş, döşəmə plov və daha neçə-neçə ləziz yeməklər sizi gözləyir.
Qəbələ mətbəxi müxtəlif dadların zamanla qovuşduğu yerdə hər bir yeməyin unudulmaz qastronomik macəraya çevrildiyi möhtəşəm bir səyahətdir.
