"Tufandağ"daxizəksürmə
Azərbaycanda Avropanın qış kurortlarından heç də geri qalmayan iki möhtəşəm xizəksürmə kurortu yerləşir. Daha təcrübəli xizəkçilər Qəbələ şəhərinin mərkəzindən 4 km məsafədə yerləşən “Tufandağ” Qış-Yay Turizm kompleksinə gedərək çətin xizək yollarını sınaqdan keçirməlidirlər. Burada 12 km-lik xizək yolu qırmızı və qara səviyyələrə bölünüb. Həvəskar xizək sürənlər daha asan cığırları seçə bilərlər. Bundan başqa, burada xizək sürmək istəməyənlər üçün də bir çox maraqlı istirahət proqramları nəzərdə tutulub. Kirayə məntəqələri və emalatxanalardan əlavə, burada kafe, restoran və barlar fəaliyyət göstərir. "Tufandağ"ın lüks və yuxarı səviyyəli hotelləri ziyarətçiləri ilboyu qəbul etməyə hazırdır. Yay aylarında turistlərə müxtəlif gəzintilər, o cümlədən velosipedlə gəzinti, paraplanla uçuş, cip-turlar və səfalı təbiət guşələrinə səfərlər təklif olunur.
