Qəbələdəlavanda tarlaları
Lavanda dünyanın bir çox yerində müxtəlif məqsədlərlə yetişdirilir: dekorativ bitki və ya mətbəx ədviyyatı kimi, narahatlığı aradan qaldıran, infeksiyalar, yanıqlar, yaralar, ağrılar, saç tökülməsi kimi problemlərin aradan qaldırılması üçün müalicəvi vasitələrin hazırlanmasında istifadə olunan efir yağlarını əldə etmək üçün. Bundan başqa, lavanda yalnız faydalı xüsusiyyətlərinə görə deyil, həm də çiçəklərin gözəlliyinə və incə ətrinə görə yüksək qiymətləndirilir.
Azərbaycana gələn turistlər Qəbələnin şimal-şərqində, Qafqaz dağlarının ətəyində yerləşən “Essenso” plantasiyalarına baş çəkib, füsunkar bənövşəyi mənzərələrə heyran olacaqlar. 30 hektarlıq lavanda tarlaları qədim Qəbələnin bir sıra tarixi abidələrinin yerləşdiyi Çuxur-Qəbələ kəndinin mənzərəli ərazisində yerləşir.
Bənövşəyi tarlalara heyran olmaq, havadakı ecazkar ətri hiss etmək, lavandanın yetişdirilməsi haqqında maraqlı məlumat almaq və aromatik yağlardan tutmuş lavanda balına qədər bir sıra dərman məhsullarını sınamaq üçün “Essenso” plantasiyasına baş çəkməyiniz kifayətdir. Bura gəlmək üçün ən yaxşı vaxt tarlaların tam çiçəklənmə dövrü - may ayının sonundan iyun ayının sonuna qədər olan müddətdir.
Əlavə olaraq, hər ilin may və iyun aylarında burada Fransa, ABŞ, Türkiyə, İtaliya və Bolqarıstanda keçirilən festivallara bənzər olan Lavanda Festivalı keçirilir. Festivalın qonaqları lavandanın müxtəlif sortlarının yetişdirilməsi və istifadəsinin sirlərini öyrənə, gül ləçəklərindən ətirli, dadlı və sağlam məhsulları sınaya, konsertlər, moda nümayişləri və digər maraqlı tədbirlərə qatılmaq şansını əldə edirlər.
Daha ətraflı məlumat üçün:
www.instagram.com/essenso.az/
www.facebook.com/Essenso-105635384508003
Tel: +99450 714 1400
