Şəmkir şəhərindəmaraqlı və əyləncəli gün
2014-cü ildən başlayaraq hər ilin mart-aprel aylarında Şəmkir şəhərində Beynəlxalq Şahmat Turniri keçirilir. Məşhur şahmatçıların bir çoxu həmin turnirdə iştirak edirlər. Bundan başqa, şəhərdə Azərbaycanın əsas abidələrini miniatür heykəllərlə əks etdirən, Azərbaycan xəritəsi formasında yaradılmış Abidələr Parkına baş çəkin. Gəncə-Qazax magistral yolu üzərində, şəhərin girişində yerləşən Şəmkir Səbəti kənd təsərrüfatı məhsulları bazarına baş çəkib rayonun yerli meyvə, tərəvəz və süd məhsulları ilə tanınmasının səbəbini öyrənin. Eyni zamanda, Şəmkirdəki yerli restoranlar aşıq musiqisinin zəngin ənənələrini kəşf etmək üçün ən yaxşı məkanlardan biridir. Şəmkirdə Aşıq sənəti muzeyi də fəaliyyət göstərir.
