Gədəbəyin zəngin tarixi ilətanışlıq
Kiçik Qafqaz dağları qoynunda yerləşən Gədəbəyin tarixi alman Siemens qardaşları və onların mis-mədən fəaliyyətləri ilə sıx bağlıdır. Gədəbəydə əvvəllər də mis mədənləri mövcud olmuşdur, bununla belə, Siemens qardaşları müasir metodlar tətbiq etmiş, o cümlədən mədənləri Qalakənddəki misəritmə zavodu ilə birləşdirən 28 km-lik dəmiryolu inşa etmişlər. Dağlıq ərazinin çətinliklərinə baxmayaraq, dəmir yolu mühəndisliyin şah əsəri hesab edilir.
Bu gün Gədəbəyi ziyarət edərək Birinci Dünya müharibəsindən az sonra buranı tərk etmiş Siemens qardaşlarının tikdirdiyi alman üslubundakı daş evləri görə bilərsiniz. Xüsusən də, mədənçilərin köhnə inzibati binası (indiki Dövlət Toxum Müfəttişliyi) və Mədəniyyət Evinə (indiki kitabxana) baş çəkin. Əgər yerli bələdçilərlə 30-40 km uzaqlıqdakı dağlara səyahət etsəniz, Siemens qardaşlarının saldırdığı dar ölçülü dəmiryolundan qalan tağlı körpülərin möhtəşəm qalıqlarını görəcəksiniz.
