Azərbaycanınkeçmişinə səyahət
Tanınmış memar Mikayıl Hüseynovun adını daşıyan bu muzey iki hissədən – arxeologiya və etnoqrafiya bölmələrindən ibarətdir. 1976-cı ildən bəri muzey kimi fəaliyyət göstərməyə başlayan bu tarixi abidənin etnoqrafiya bölməsində Azərbaycan xalqının adət-ənənələri, qədim dövr incəsənəti, tarixi eksponatlar və ailə təsərrüfatına aid maddi-mədəni nümunələr öz əksini tapır.
Arxeologiya bölməsi isə ibtidai insan qalıqları və qədim daş dövrünün inkişaf mərhələlərini əks etdirən arxeoloji tapıntıları izləməyə imkan verir. Həmçinin bu bölmədə qədim yaşayış məskənləri, qəbirüstü abidələr və ulu əcdadlarımızın həyat tərzi, əl işləri barədə ətraflı məlumat təqdim edən bir çox nümunələri görmək mümkündür.
Muzeydəki eksponatlar sadəcə nümayiş olunan obyekt deyil, həm də iqtisadi inkişaf mərhələlərini, məişət dəyişikliklərini və tarix boyu Azərbaycan xalqına bələdçilik etmiş dəyərləri özündə birləşdirir. Bu abidə keçmişlə bu gününün vəhdətini yaradaraq hər bir kəsi Azərbaycanın tarixi və mədəni irsi ilə tanış olmağa dəvət edir.
Ətraflı məlumat üçün:
- Ünvan: Böyük Qala küçəsi 42
- Tel.: +99412 492 52 36
- İş qrafiki: Bazar ertəsi, Çərşənbə, Cümə - 10:00-17:00
- Giriş sərbəstdir.
.jpg)
