sərinlənmək və qızınmaq üçünBakı hamamları
Bakıdakı hamamlar bir yerə toplaşmaq, dincəlmək və şirin söhbət üçün ənənəvi yerlərdən sayılır. Qədim hamamların bir neçəsi indi də fəaliyyət göstərir və yerli sakinlər hələ də Ağa Mikayıl və Təzəbəy hamamlarına müntəzəm baş çəkirlər. Əsl Azərbaycan hamamını hiss etmək üçün onlardan birini ziyarət edərək, xüsusilə də soyuq aylarda sizi rahatladacaq buxar otaqlarında yuyuna bilərsiniz. Hamam prosedurlarından sonra dostlarla çay dəstgahı təşkil etməyin ayrı ləzzəti var.
Bakının mərkəzində 19-cu əsrdə inşa edilmiş ictimai hamamlardan olan Təzəbəy hamamı ən çox üstünlük verilən istirahət yerlərindən biridir. Təzəbəy hamamı müasir tələblər əsasında 2003-cu ildə tam bərpa olunmuşdur. Şərq, Rus və Fin hamamı, hovuz, o cümlədən bütün növ masaj, kisə, süpürgə (evkalipt), pedikür və manikür qulluğunuzda tam hazırdır. Hamamda şərq və avropa mətbəxi ilə tanış olacağınız restoran, bar və pivə barı fəaliyyət göstərir.
Bu hamam ancaq kişilər üçün fəaliyyət göstərir.
Keçmişi canlandıran, tarixi XIX əsrə gedib çıxan Ağa Zeynal hamamı İçərişəhərin mərkəzində ənənəvi xidmətlər təklif edən məşhur hamamlardan biridir. Hamam XIX əsrin II yаrısındа hаmаmın sifаrişçisi və sаhibi Аğа Zeynаl tərəfindən tikilmişdir. Hacı Ağa Zeynal Bakı milyonçusu Ramazanovun babası olmuşdur. Hаmаmın ümumi quruluşuna diqqət etsəniz, yаşаyış tikililərinin sisteminə dахil оlduğu üçün оndаn seçilmədiyini görə bilərsiniz. Binаnın dахili məkаnı ənənəvi üslublаrа sаdiq qаlаrаq sоyunmа və yuyunmа оtаqlаrındаn, xəzinə (qаynаr və sоyuq su аnbаrı) və оdluq kаmerаsındаn ibаrət оlаn əsаs bölmələrə аyrılmışdır.
Hamam hal-hazırda ancaq kişilər üçün xidmət göstərir.
İçərişəhərdə yerləşən və XVIII əsrdə Şamaxı taciri Ağa Mikayıl tərəfindən inşa edilmiş orijinal Şərq təəssüratı yaradan Ağa Mikayıl hamamı Bakıda bu günə kimi fəaliyyət göstərən ən qədim hamamdır. Hamam Şamaxı sakini Hacı Ağa Mikayıl tərəfindən İçərişəhərin cənub-qərb tərəfində, əsas küçələrdən biri olan Kiçik Qala küçəsində tikilmişdir. Hamamın yerləşdiyi ərazi xalq arasında indi də Hamamçılar məhəlləsi adlanır.
Azərbaycanın görkəmli bəstəkarı Üzeyir Hacıbəyovun "O olmasın, bu olsun" operettası əsasında 1956-cı ildə çəkilmiş eyniadlı filmin bəzi hamam səhnələri də elə bu hamamda çəkilmişdir. Buna görə də xalq arasında hamam həm də filmin əsas qəhrəmanının adı ilə "Məşədi İbad hamamı" kimi də tanınır.
Hamam həftənin I və V günləri qadınlar üçün, digər günləri kişilər üçün fəaliyyət göstərir.
Təzəbəy hamamı haqda ətraflı məlumat üçün:
Veb-səhifə: tazebey.az
Ünvan: Bakı, Ş. Şamil küç., 30 (1)
İzzət Həmidov küçəsi 3 (2)
Tel.: +994 50 255 58 00
Ağa Zeynal hamamı haqda ətraflı məlumat üçün:
Ünvan: Bakı, İçərişəhər, Qüllə küçəsi, 6
Tel.: +994 55 639 19 99
Ağa Mikayıl hamamı haqda ətraflı məlumat üçün:
Ünvan: Bakı, İçərişəhər, Kiçik Qala küçəsi, 16
Tel.: +994 12 492 74 21
.jpg)
