ŞamaxıSafari Parkı
Şamaxıda olarkən buranın gözəl təbiəti ilə tanışlıqdan sonra fauna aləmi ilə ünsiyyətdə olmaq və əsl safari macərasını yaşamaq səfərinizə əlavə rəng qatacaq. Şamaxı Safari Parkı Pirqulu dağ-meşə massivində 1000 hektardan çox ərazini əhatə edir və burada müxtəlif ölkələrdən gətirilmiş nəcib maral, lan, muflon, Altay maralı, alpaka, lama, bizon, zubr, yak kimi 1000 başdan çox heyvan yerli təbiətə uyğunlaşdırılmış halda yaşayır. Safari Parkına baş çəkməklə təbiət qoynunda dincələ, vəhşi heyvanları təbii mühitdə seyr edə və şəkillərini çəkə bilərsiniz. Parkın ərazisini gəzmək və heyvanları seyr etmək üçün avtobusla qrup halında və yolsuzluq avtomobilləri ilə fərdi turlar təklif olunur. Turlar zamanı parkın ərazisində yaşayan heyvanların böyük əksəriyyətini müşahidə etməklə yanaşı, onlardan bəzilərini yemləmək imkanınız da olacaq. Turdan kənar vaxtlarda atıcılıq bacarıqlarınızı sınaya və restoranda ləziz təamları dada bilərsiniz. Parka giriş saatları günün uzunluğu və hava şəraitindən asılı olaraq fəsillərə görə dəyişdiyi üçün səfər etməmişdən əvvəl gişir-çıxış saatları ilə tanış olmağınız, eyni zamanda hava şəraitini nəzərə almaqla rahat geyimdə və idman ayaqqabılarında gəlməyiniz tövsiyə olunur.
Ətraflı məlumat və rezervasiya üçün:
Şamaxı Safari Parkı
Şamaxı rayonu, Pirqulu-Dəmirçi yolu
Tel.: +99450 801 1717; +99499 801 1717
