Şorabadda kaytsörfinq həyəcanı

Su idman növlərinə maraq göstərirsinizsə, kaytsörfinqlə məşğul olursunuzsa, yaxud öyrənmək istəyiniz varsa, Xızı rayonu Şorabad qəsəbəsində “Blueplanet” kurortuna baş çəkin. Bura Azərbaycanın ilk kaytsörfinq mərkəzidir və siz burada küləyin gücünü bütünlüklə hiss edə bilərsiniz. Mərkəzdə təlimlər, kurslar, kaytsörfinq ləvazimatlarının satışı və kirayəsi də təklif olunur. Kaytsörfinqlə məşğul olmaq istəməsəniz, müasir çimərlik klubunda və dünya ölkələri mətbəxinə aid yeməklərin təklif olunduğu restoranda Xəzərin sahilində ideal istirahətdən doyunca zövq ala bilərsiniz.