Bakı bulvarındaunudulmaz gəmi gəzintisi
Paytaxt şəhər Bakının Dənizkənarı Bulvarı mütləq görməli olduğunuz yerlərin siyahısının əvvəlində gəlir. Əsası 1909-cu ildə qoyulan göz işlədikcə uzanan Bakı bulvarı bu gün saysız kafe, restoran, muzey, ticarət mərkəzləri və bir çox digər attraksion və fəaliyyətlərə ev sahibliyi edən Bakı şəhərində qonaqların üz tutduğu ən sevimli istirahət zonasıdır. 113 yaşlı bulvar boyunca onu müşayiət edən Kiçik Venesiya, Xalça Muzeyi, Dəniz Mall və Şeytan çarxı qonaqlarda kəşf etmək üçün hər zaman xüsusi maraq yaradır.
Dənizkənarı Bulvarın gözoxşayan mənzərəsinin əsl dadını Xəzərin rəvan sularında qısa gəmi gəzintisi ilə çıxarmaq imkanını mütləq dəyərləndirin. Gün ərzində dəniz sahili və Bakının bənzərsiz memarlıq nümunələrinə heyran olacaq, axşamçağı isə sərin meh ilə rəqs edən şəhərin işıqların sehrinə qapılacaqsınız. Bu nəcib şəhərin nəfəs kəsən mənzərələrinə şahidlik etməklə yanaşı, sərinləşdirici içkilər və ya milli çay dəstgahı ilə dinclik tapa və gəmidə olan peşəkar fotoqrafın köməyilə xoş xatirələrinizi əbədiləşdirə bilərsiniz.
Gəmi gəzintisi 30 dəqiqə davam edir və qrafikdən asılı olaraq iki gəmi fəaliyyət göstərir: Mirvari 450 nəfər, Şəfəq isə 60 nəfər tutumuna malikdir və hər iki gəmidə qiymətlər 5 -10 AZN arası təşkil edir. Biletləri əldə etmək üçün Park Bulvar ticarət mərkəzinin yaxınlığında dəniz kənarında yerləşən kassa saat 16:00-da açılır. Gəzinti vaxtları adətən hava şəraitindən asılıdır; soyuq və küləkli günlərdə gəzinti keçirilmir. Qrafik isə belədir: 17:00, 18:00, 19:00, 20:00, 21:00, 22:00.
Əlaqə nömrəsi:
+994 (12) 404 95 96
+994 (12) 505 02 17
