Xəzər dənizindəvindsörfinq etməyi öyrənin
“Windsurfing Baku” vindsörfinq məktəbi Abşeron yarımadasının cənub sahilində, Bakıdan 15 km aralıda Ramada by Wyndham Baku hotelində yerləşir. Son beş ildir ki, fəaliyyət göstərən məktəb yelkən və lövhə avadanlıqlarının icarəsi ilə bərabər, həm də yeni başlayanlardan təcrübəli sörfinq həvəskarlarına qədər hər kəs üçün peşəkar təlimlər və dərslər təklif edir. Təlim və məşqlərdən sonra dincinizi almaq və istirahətiniz üçün ayrıca çimərlik, üzgüçülük hovuzu və xüsusi istirahət zonası da var.
Vindsörfinqi öyrənmək üçün təlim mövsümü aprelin sonlarında başlayır və oktyabrın sonuna kimi davam edir. Nəzəri və praktiki hissədən ibarət təlimdə ilkin məşq çimərlikdə başlayır. Nəzəri hissədə nəzəri bilikləri, sörfinqin növlərini, yelkən və vindsörfinqin prinsiplərini öyrənirsiniz. Təlim boyu təhlükəsizlik və özünü xilasetmə qaydalarına xüsusi diqqət yetirilir. Nəzəri bilikləri praktiki hissədə təcrübə etmək üçün xüsusi simulyatorda yelkənləri düzgün bucaq altında necə tutmaq və sörf lövhəsində tarazlığı necə saxlamaq lazım olduğunu canlı tətbiq edə biləcəksiniz. Bu təlimlər vindsörfinqi öyrənmə prosesini daha tez və asanlaşdırmaq üçün nəzərdə tutulub ki, sondakı nəticə həqiqətən gözlə görülməyə dəyər.
Ümumilikdə 2.5 saat davam edən başlanğıc təlimindən sonra bacarıqlarınızı təkmilləşdirərək suyun üzərində peşəkarlar kimi bərq vurmaq üçün orta və yüksək səviyyəli dərslərə də qoşula bilərsiniz. Və əsas biliklərə yiyələndikdən sonra budur - peşəkar heyətin yaxından nəzarəti altında Xəzərin rəvan axan suları və sərin mehin dadını tam sərbəst çıxarmağa hazırsınız!
Ətraflı məlumat üçün:
Ünvan: Salyan şossesi, Şıxov çimərliyi 1023
Tel.: +99450 218 27 94
E-mail ünvanı: [email protected]
www.windsurfing.az saytına keçid
