şərab və mədəni irsAz Abrau Muzeyi
“Az Abrau” şərab zavodu ziyarətçilərini Böyük Qafqaz dağətəyinin təbiəti, Alazan vadisi və gözoxşayan üzüm plantasiyalarının müşayiəti ilə qarşılayır. Zavod ərazisində yerləşən şərab muzeyi isə qonaqları şərabçılıq tarixinə qısa, lakin olduqca maraqlı səyahətə aparır. Muzeydə Azərbaycanın üzümçülük və şərabçılıq mədəniyyətinin tarixini, üzümlərin sıxılma metodologiyasını və şərabın saxlanma qaydalarını əks etdirən zəngin ekspozisiya təqdim olunur. 500-dən artıq eksponat arasında şərab şüşələri kolleksiyasını, şərab etiketlərini, unikal fotoşəkilləri, rəsm əsərlərini, arxeoloji qazıntılar nəticəsində tapılmış artefaktları, həmçinin qədim şərab qablarının və nadir qabların surətlərini görə bilərsiniz. Müasir multimedia ekspozisiyasında Azərbaycanın XIX və XX əsrin əvvəllərinə aid unikal şərab etiket kolleksiyasını görmək və şərabdan ilhamlanan böyük Azərbaycan şairlərinin yaradıcılığı ilə tanış olmaq mümkündür.
Ekskursiya zamanı təşkil olunmuş dequstasiya turunda şərabların dadına baxarkən həm də onların yaranma tarixi və istehsal xüsusiyyətləri ilə tanış olmaq imkanınız var. Şərab həvəskarları ağ köpüklü “Brut” və ya kəmşirin “Abrau 1870” yerli şərablarının dequstasiyası turuna qoşula bilər. Tura şərab dequstasiyası ilə yanaşı, qəlyanaltı seti də daxildir.
Ətraflı məlumat üçün:
- Ünvan: Çələbixan qəsəbəsi, Şəki
- Tel.: +99455 203 76 22 (muzey);
- +99410 723 71 72 (mağaza)
