Duzdağda təbiətin gücünü hiss edin
Azərbaycandakı sağlamlıq kurortlarının əksəriyyətində duz terapiyası tətbiq edilir, bununla belə, Naxçıvan şəhərindən 12 km məsafədə yerləşən Duzdağa baş çəksəniz, unudulmaz hisslər yaşayacaqsınız. Duzdağ Fizioterapiya Mərkəzi keçmiş duz şaxtasının yerində fəaliyyət göstərir. Mərkəzdə təcrübəli həkim və fizioterapevt komandası xidmət göstərir. Dağda tənəffüs yolu xəstəliklərinin müalicəsində effektiv olan 130 milyon ton təbii duz ehtiyatı var. Bu unikal imkandan faydalanmaq üçün mərkəzin ərazisindəki mağaralardan birində gecələyərək buranın ionlarla zəngin havasını ciyərlərinizə çəkə bilərsiniz. Şaxta horizontal yerləşdiyindən, xəstələr yeraltı hissəyə adaptasiya olunaraq girirlər. Burada havalandırma təbii, mikrob cisimciklər aşağı səviyyədə, allergenlər isə yox dərəcəsindədir. Mağarada rütubət və temperatur daim sabitdir. Mərkəzdən 2 km məsafədə yerləşən hoteldə də hər cür şərait mövcuddur.
